حوار مع متفوق/ة ف المنتدى ...

[تغريد الطيور]

المشاركة الأصلية كتبت بواسطة Nour Eleman

بصوا بقى رقم جلوسى دا مشكلة لان انتوا كدا هاتعرفوا اسمى الحقيقى و دى معلومات سرية للغاية

بصوا انا هاكتبه و امرى لله بس حذارى حد بنادمنى غير بنووور تماااام

1778275


و الاسئلة ..

ايه اكتر مادة بتحبيها و ليه ؟

اممممم طبعا الرياضيات بعشقها بحس لذة كدا و انا بحل المسالة الصعبة مثلا و اقعد اجرب طريقة و تانية وااااو بجد متعة فعلا
و بحس انها من المواد اللى بتفرق فعلا بين الطالب الدماغ و الطالب العادى

ايه اكتر مادة بتكرهيها و ليه ؟

امممم تصدقوا مفيش بس و انا مش دحيحة لاحسن تظنوا ظن وحش و العياذ بالله بس فى فروع ف العربى بكرهها فعلا يعنى زى الادب مثلا ياااا سااااااااتر حاجة تقرف كنت بتعفرط منه بحس ان كله حفظ و عك و عايز واحد دحيح و دا انا مش من النوع دا

نفسك تطلعى ايه و ليه ؟

نفسى اطلع مهندسة معمارية او مدنى و اصمم فيلل بقى و كدا عشان امووت ف التصميم و الرسم او ممكن اذا لزم الامر ادخل كهربا حسة انها لذيذة برده

و نفسى بجد اصلح العشوائيات اللى ف مصر و كدا و انا عندى نظرة متفائلة بصراحة لمصر فى خلال ال6 سنين الجايين ( يعنى عقبال ما اتخرج و ادور على شغل ) يعنى حسة انها هاتبقى احن باذن الله

بتأيدى موضوع السهر ؟

ااااااااااااه جدااااااااااااااا و بكره الصحيان بدرى مش عارفة لييه انا الوحيدة اللى ف اصحابى كدا .. بحس ان الجو هائ بلليل و بعرف اذاكر و ممكن الواحد يصلى ركعتين فى جوف اليل يقعد يكلم ربنا و يدعى بجد حااجة جمييييلة

بتذاكرى على حوالى كام ساعة " ماتخافيش احنا هنا اخواتكمش هانحسدك " ؟

ههههههههههه انا من ايييييه .. بس انا عمرى ما بعد بصراحة .. يعنى ممكن مثلا من الساعة 12 بلليل ل 8 الصبح بس دا بالكتييييييير خااالص يعنى لما اكون مزنوقة مووت

ايه اكتر وقت بتحبى تذاكرى فيه ؟

طبعا الساعة 12 بالليل عشان كنت برجع من الدروس ع الساعة 9 و انام اصحى على 11 و غقبال ما اكل و انظم نفسى تبقى 12 و ابدا بقى ..

ايه اكتر مشكلة بتواجهك اثناء المذاكرة ؟

البطئ طبعا و السرحااان و اكيد الغباااااء

مكان الامذاكرة عندك مناسب ؟

نووووووااااااااى دا انا بذاكر ف البلكووونة فى الصيف و اقعد اهوى بالكشكول و فى الشتا فى الصالة بقى و الزباال ييجى و بتاع العيش و .... الخ

بس ان شاء الله الوضع هايتحسن السنة دى عشان اخويا و اختى خلصوا و هاستولى ع الاودة

ايه اخبار اصحابك بيشجعوكى و لا ايه ؟

طبعا فى صاحبتى ربنا يخليها كان ليها دووووور كبييييييييير جدا معايا من حيث التشجيع لانها متفوقةجدااااا ف كنت بتكسف منها لما الاقى نفسى مش مذاكرة ف كنت بذاكر و كانت بتشجعنى جداا بصراحة ربنا يكرمها

ارتاحى شوية كدا و خدى دوول

لا و لا يهمك ( ايه دا انا بكلم نفسى )

* ايه هى هواياتكـ ؟

القراءة و خصوصا روايات شيرلوك هولمز و كتب د\ ابراهيم الفقى و د\ مصطفى ابراهيم زايد و كتابة القصص القصيرة و التطريز و النت و سماع الكارتوون و طبعا برامج ( احمد الشقيرى )
و حل مسائل الرياضة و الفوازير و الالغاز

* ايه طموحكـ ؟ و ايه هوا حلمكـ ؟

حلمى طبعا انى اطلع مهندسة و محفظة قران

اما طموحى ( و دى بعيدة جدا ) انى ابقى مهندسة كبيرة جدا و اعمل مشاريع كبيرة انا و اخويا المهندس و نغير حاجات كتيرة ف مصر زى العشوائيات و كدا

*ايه اقتراحاتكـ عشان التعليمـ ف مصر يتغير ؟

ياااااااااه نفسى طبعا الدرووس الخصوصية تتلغى عشان نرتاح و ضمير المدرسين يرجع و دا اهم حاجة بجد

و ان المواد تعتمد ع الفهم مش الحفظ عشان مخ الطلاب يكبر و دا بيعتمد ع الطفولة و انشاء الاطفال بطريقة صحيحة

*ايه اللى نفسكـ يتغير ف مصر ؟

اول حاجة طبعا الدين و نظرة الناس ليه و البنات و لبسهم و الاولاد و تفكريهم تجاه البنات و طريقة تربية الاطفال ف الاسر و العادات و التقاليد اللى ف البيوت المصرية اللى غلط جداا و التعليم عشان هو الاساس ..

و اكيييييييييد حاجات كتييييييير

ثم اختارى العضو/ة اللى بعدك ..

منتظرين اجابتها ..

و اتمنى يعجبكوا الموضوع ...

اااااااه ايدى وجعتنى

يلا اتمنى انكوا تستفيدوا من الامة الفقيرة اللى يارب تدخل هندسة و تحفظ القران

و انا اختار العضو/ة



















MoOon Light

القمرة موووون منتظرينها ...