كيف تستعدي لسنة أولي جامعة؟!

[احبكـ ربى]

المشاركة الأصلية كتبت بواسطة *محبة الايمان*

السلام عليكم ورحمة الله وبركاته
ازيكم ياأخواتي
طبعاً المنتدي الجميل ده بيخرج كل سنة دفعة من الثانوية العامة لجامعات مصر
وأنا إن شاء الله مقبلة علي الجامعة العام القادم وعلي قد ما أنا فرحانة بالمرحلة دي علي قد ما أنا قلقانة شوية .. حاسة إنها مسئولية عليا
علشان كده أنا عاوزة كل واحدة تقدم النصايح اللي تقدر عليها بحيث تكون المرحلة دي فعلا من أحلي مراحل العمر وعلشان كمان نتعلم من أخطاء اللي سبقونا وإن شاء الله مش نقع فيها
هو طبعا أساس المرحلة تقوي الله والاصحاب الكويسين..
فياريت اللي عنده نصايح أو مواقف نتعلم منها يقدمها
وربنا يجعل ده في ميزان حسناتكم
وجزاكم الله خيرا

بصى اختى الحبيبة
موضوعك فعلا هام جداااااااا والله
اولا : الجامعة مسئولية فعلاااااااا
وتكاليف زيادة ومذاكرة اكتر ....
هتحسى ان الثانوية كانت لعب عيال بجد ...
واخطر حاجة فيهاااا اذا كانت جامعة مختلطة
فبجد اهم النصايح اللى ممكن أقدمها ليا وليكم يعنى ... :
1- لو جامعتك مختلطة بلاش تتكلمى مع الشباب ...
2- حاولى لو لقيتى اى صاحبة ليكى بتتكلم مع واحد تبعدى عنهاااا
(( لانها اكيد مش محترمة عشان قبلت كدة على نفسهااا ))
3-لو لقيتى اى حاجة طالبها الدكتور ويكون فيها فريق عمل
حاولى تختارى فريق العمل معاك كله بناااات ...
4- أى حد من الشباب ييجى ويكلمك ((وده وارد جداااااا طبعاااا ))
بلاش تتمادى معاه فى الكلام واكتفى بــ (( انا مش بتكلم مع الشباب )) وسيبيه وامشى ..
5- متديش اسرارك وثقتك الكاملة لأى اخت هناااك اذا كنت جديدة عليهم كلهم وخصوصا لو ناس اكبر منك فى سنة 2 او 3 او اكبر يعنى ....
لانه لا يعلم ما فى نفسها الا الله ....
6- ارقام تليفوناتك ... ايميلاتك ... كل حجاتك الخاصة متعرفيهاش لحد اطلاقاااا الا لو اخت واثقة فيها فعلاااااا ......
7- متضحكيش كتيــــر وخصوصا لو فى شبابا واقفين ..خليكى جادة شوية فى تعاملاتك .....
8- واخيرا عايزاكم تعرفوا ان البنت فى الجامعة وف أى حتة ملهاش الا سمعتهاااا وشرفهااا وحيائهاااا
فإن فقدت حاجة من التلاتة دوووووووول
يبقى فقدت دينهاااااا والعياذ بالله
دى حجات بسيطة حبيبت اقولهالكم ويارب تستفيدوا منها معايا ان شاء الله
ولو فى جديد هضيفوا بإذن الله
جزاكى الله خيرا
واسفة ع الاطالة
سلام عليكم