عضو تحت المجهر

[إليزابيث]

المشاركة الأصلية كتبت بواسطة *تائبة فى رحاب الله*

الأسئلة للعضوة اليزابيث(مع انى عارفة اجاباتها بس مش مهم نسمع منها الاول)

للدرجة دي انا مفضوحة

1- هل احسستِ مرة انك وحيدة؟ وماذا كان السبب؟؟
اه كتير بحس اني وحيدة بس جتلي فترة حسيت ان انا وحيدة بجد لما بيبأى صحابي اللي حوليه بيبعدو عني ومش بيبئو معايا زي منا متعودة منهم وبحس انهم وحوش حولية

2-من الشخص التى تاتمينه على اسرارك وتشتكى اليه؟؟
انا معايا وحدة صحبتي اوي اصغر مني بسنة دي صحبتي الانتيم

3-هل أنتِ متساهلة فى الحياة؟؟ وماالدليل؟؟؟
اه انا بسيب المواقف تعدي حلية من غير ما بفهم ولا بحاول افهم اللي بين السطور يعني لو حد ابتسم بس ف وشي و الله بياخد مكان كبير ف قلبي ولو كانت ابتسامة خبث

4- ايه رايك فى تطبيق الشريعة الاسلامية الصحيحة الكاملة فى مصر؟؟
طبعا ما هيه الحل الامثل للي احنا عايشينه دلوقت وبعدين مفيش احسن من شرع ربنا

5-هل أنت راضية عن نفسك؟؟
لأ انا معنديش ثقة ف نفسي حاسة اني مش فاهمة الدنيا كويس ولا بفهم الناس كويس حتى لو عشرة عمر حاسة اني زعلانة من جوة مش عارفة ليه

6-هل علاقتك بين ربك وثيقة؟؟
لأ ف الحكاية دي انا مهما بذلت من جهد ببأى مقصرة

7- هل أنتِ شخص غير مرغوب فيه؟؟
انا بحس كده وكتير كمان بس لما بلاقي عدد اللي بيحبوني حولية بيمشي شوية الاحساس ده ولكنه يظل عالقا

8- ماهى المواقف التى تسبب لكِ الاحراج؟؟
لما حد بيكسفني خصوصا ادام شلة وايه مبعرفش ارد كمان لما اتسئل سؤال ومش بعرف اجاوب ولما ابان جاهلة ادام ناس

9- ماهى نظريتك للحياة؟؟
انا نظرتي تفاؤلية وديما بتمنى الاحسن وبحب اكون سعيدة حتى ف اتعس المواقف

10-ماهى طموحاتك..؟؟وهل انتِ قادرة على تحقيقها؟؟
انا عن نفسي اول طموح ليا كلية الطب واعتقد اني اقدر بالنسبة لمستوايا بس كله بإذن الله

11-هل تغارين من أحد؟؟ ولماذا؟؟
انا طبعا بغير من العلم بس غيرة مش بحقد غيرة تدفعني للأمام بدون ان تخسف بأحد بس غيرة على المستوى الشخصي لا والله انا قلبي ابيض خالص

12-هل تستطيعين مواجهة المشاكل بمفردك؟؟
لأ خااااالص ف دي لأ لازم ادخل امي واعرف رأيها وبمشي على رأي امي دون ان احيد عنه شعرة والحمد لله بتعدي

13-ماهى هوياتك؟؟
انا اول هواية ليا الشعر والاذاعة والبنج بونج والقراءة والقصص

14- مااكثر المواضيع التى تجذب انتباهك؟؟
على حسب لما تبأى مواضيع تجذب الانتباه و من اشخاص محترمين

15-ماهى ابغض صفة فيكِ وأجمل صفة؟؟
ابغض صفة فيا اني مش بعرف احل مشاكلي وحدي وجاعلة كل الناس ملايكة و مش بفهم الامور وما وراء الكلام وبثق ف الناس بسهولة جدا
اجمل صفة فيا ان بالي مرتاح وبحب ابأى سعيدة مهما تطلب ذلك وان قلبي ابيض خالص من جوه

كفاية عليكى كدة.............ربنا يعينك
لأ ده انتي انتقمتي انتقمتي يعني
( فى لقاء آخر ان شاء الله)
لأ ده انتي ناوية تفصليني بأى

دي بأى كل اجاباتي بصراحة ومستنية تحليل معمل حضرتك