اختلاف آراء وفكرة جديدة

[sh2awa _ 91]

المشاركة الأصلية كتبت بواسطة outforkill.2

[/CENTER]

والله يا أنسة ده موضوع هايجيب ليكى وجع الدماغ ..

وفعلا الكلام فيه بقى أكتر من أى حاجة تانية فى حياتنا كشباب ع الاقل ..

ما اعتقدش ان اى شخص بيفكر بأسلوب كويس وعقله ناضج ومتفتح هايحصر الحب بين الولد والبنت فقط ..

ولكن الاحتياج بالنسبة للنوع ده من الاحساس والنوع ده من العواطف خصوصا فى ظل النمو الجسدى والنفسى للولد والبنت ..
وفى ظل المعاملة السيئة فى أغلب الاوقات من الاهل بيلجأ الاولاد للبحث عن الحب والحنان ومشاعر فقدت فى أطار الاسرة بعيدا ...


وده بيكون ليه عواقب وخيمة وفى ظل الثقافة اللى احنا أتربينا عليها كشباب بتكون سمعة البنت دى مش كويسة فى وسط مجتمع الشباب ..
أما بالنسبة لحب الام والاب والاخ والصديق ..
ده كله أنا متفق معاكى فيه من الالف للياء ..

أما بالنسبة لحب الصديقة ..
أو ما يسمى بمودة الصديقة ..

ده أساسا ثقافتنا بترفض أن يكون فيه علاقة من أى نوع بين الولد والبنت غير الجواز وبيكون عن طريق العائلة ..
ولكن تبعا للمتغيرات الحضارية اللى احنا فى ظلها .. حاجات كتير أتغيرت ومش فى كل المجتمعات ده بطبيعة البيئة فى مصر ..
ولكن فى المدن الكبرى والتى تكون العلاقة به مفتوحة أكتر بتوجد النوع ده من العلاقات ..
بيكون ليه أهمية كبيرة فى بعض الاحيان ..

دى وجهات نظر بتختلف بالنسة لكل واحد ...
وتبعا لنظرته للاحساس ده


وشكرا يا أنسة وانما أسف ع الاطالة ..

الاول ثاااانكس اوي على ردك ,
اهم نقطة عايزة اوضحها هي

ده أساسا ثقافتنا بترفض أن يكون فيه علاقة من أى نوع بين الولد والبنت غير الجواز وبيكون عن طريق العائلة ..
ولكن تبعا للمتغيرات الحضارية اللى احنا فى ظلها .. حاجات كتير أتغيرت ومش فى كل المجتمعات ده بطبيعة البيئة فى مصر ..
ولكن فى المدن الكبرى والتى تكون العلاقة به مفتوحة أكتر بتوجد النوع ده من العلاقات ..
بيكون ليه أهمية كبيرة فى بعض الاحيان ..

انتا مش فهمت وجهة نظري .. انا مش قصدي الصداقة بشكل عام , أقصد الثقة . احترام وجهات النظر و الكلام والنقاش في حدود واطار معين ( يعني اتكلم معاه زي اخويا ) مش الي بقى بيحصل دلوقتي من .... اكيد فاهم قصدي


وثااانكس مرة تانية على الرد . ومش في اطالة ولا حاجة
نورت التوبيك