عايزة أخد رأيكم ..؟

[متفائلة رغم اليأس]

بجد ربنا يوفقك
لو عايزة رأيي كملى فى علمى ،
رياضة 2 لو مع مدرس كويس وانت بجد شادة حيلك ، انا متأكدة انك ها تقفليها ، لى واحدة صحابتى قفلتها قبل كده ، يعنى مش مستحيل
وحتى لو ملحقتيش الكلية اللى انتى مش عايزاها فى القاهرة ممكن تلحقيها أقاليم وتحولى بعدها
الى جانب انك لو دخلتى أدبى ها تبقى محبطة لإنك مش دخلتيها بإرادتك ،وممكن ما تنجزيش فيها
وكمان مجموعك كويس ومع اجتهاد اكتر ممكن يرتفع كتير
بس اتفقى مع مدرسين كويسين وإسألى عنهم كويس، لإن رياضة 2 والفيزياء محتاجين مدرسين برفكت.
انا فى نفس سنك بس أزهر وعندنا رياضة 2 مع نصف منهج الفيزياء والكيمياء والأحياء ،ده الى جانب 10 مواد عربية وشرعية كمان
يعنى تحمدى ربنا وتبوسى إيديكى وش وظهر
واللى يشوف مصايب الناس تهون عليه مصيبته
انتى شكلك شاطرة
فتوكلى على الله
وكملى