ياترى ألاقى اجابه عندكم؟

[جمــ الروح ـال]

السلام عليكم ورحمة الله

اخباركم جميعا ومبروك لكل اللى دخل علوم

انا ان شاء الله علوم وهحول المنصورة وكنت محتاجه اجابه على شويه استفسارات كدا

انا قرأت مواضيع هنا عن الكليه ودراستها لكن عندى كم سؤال

بالنسبه للكليه اول سنه دراسه تؤلهلنا للتخصص ومتوقف التخصص على مواد الثانوية ودرجاتها ده يعنى ايه؟

ومعنى كدا انى فى أول سنه هاخد كل الأقسام كيمياء وبيولوجى وجولوجيا ولا ايه ؟

كمان أنا أعرف واحده ازهر خريجه علوم وحاليا بتشتغل فى الطب الشرعى هو ينفع خريج علوم يبقى دكتور فى الطب الشرعى ؟
ولو ينفع هل ده قسم فى الأزهر بس ولا موجود فى تربيه وتعليم ؟ ولو موجود ايه هو القسم ده ونقدر ندخله ازاى وهل فى منه فى علوم المنصورة ؟

كمان انا قرات عن التخصص المزدوج ده

يعنى انا أخد كيمياء وبيولوجى ولا تخصص مزدو كيمياء حيوى ونبات مثلا ؟

وينفع أخد كيمياء وبيولوجى؟

ولو ينفع هل هدرس كل أقسام كمياء وكل أقسام بيولوجى ولا اللى هختاره منهم ؟

وازاى بختار القسم وامتى بحدده ؟

ولو أخدت المزدوج ده لما بتخرج شتغل باى واحد ولا الاتنين عادى ؟

ولو عندى طموح اكتر من دراسه يعنى أخد دبلومه وأعمل بحث او اى حاجه دراسه تانيه ماجستير ودكتوراه ده ممكن عندنا هنا فى المنصورة ظ

وياترى ايه اللى بحتاجه فى الكليه فى أدوات ومعمل وكدا ولا ايه؟


أنا عارفه ان أسئلتى كتير جدا بس انا بصراحه محتاره ومحتاجه حد يساعدنى منكم

ويريت لو حد هنا يقدر يرد عليا سواء من المنصورة او لا اكون شاكره له

وجزاكم الله خيرا

فى انتظار ردودكم