من المتسبب في احداث رفح؟؟؟؟؟؟؟

[fire king]

اكيد طبعا الجماعة (منها لله)
حبوا يضيفوا انجاز جديد
وبناء على امر الرئيس الله يباركله
تم تحرير المعتقلين التابعين للجماعات الجهادية (بدون تمييز)
وفتح المعبر عالبحري

وبعده لبسها للجيش وغير قياداته
طب الحرس الجمهوري والامن المركزي مالهم ؟!
وبتاع المخابرات قال انه بلغ بالمعلومات عن الهجوم
وقال يقولك في خلال يوم او يومين هننتقم
بأمارة ايه ؟
وما ادراك بتقسيم سيناء وجبالها وخطط التأمين وامكانية تطبيقها
ويقولك "المرة دي بجد"
يا راجل ؟ وربنا ؟
على اساس اننا كنا بنهزر
والمشير غلبان يا عيني بيمشي معاه ويقولي ماشي وتمام واكيد ومشي حالك
الله يعينك يا مشير

عارف
دلوقتي تلاقي واحد من الاخوان داخل يشتمني ويقول اني فلول او شيعي مثلا او منافق
بس قبل ما يقول هقوله
انا بفضل الله مسلم سني عربي مصري
ونزلت ايام الثورة
واضربت طلقة خرطوش في وشي بس كانت من بعيد وربنا ستر

الدور والباقي عاللي نزل في الاخر وركب عالثورة ولهف كل حاجة