نقاط مهمة أرجو الدخول و المشاركة

[nooneasme1]

المشاركة الأصلية كتبت بواسطة faress666666

يا جامعة انا بجد متلخبط بلاقي كلام كتير و حكايات كتير عن صيدلة و للأسف كل عكس بعض .
يا ريت حد فاهم يوضحلي النقط دي بليييييييييييييييييييييييييييز :-

1) ايه الفرق بين بكلوريوس صيدلة و الفارما دي و بكالريوس صيدلة كلينيكال و دبلومة كلينيكال ؟
بص انت عندك شهادتين بكالريوس العلوم الصيدلية لخريج الصيدلة العادية وبكاريوس العلوم الصيدلية الاكلينيكة (نظام ساعات معتمدة) "الصيدلة الاكلينيكة يعنى" والتانية عشان تاخدها لها طريق مختلف شوية عن الاولى واللى بتوفرها بعض الجامعات الحكومية معرفش هل طبقتها جامعات خاصة ولا لأ اما عن الدبلومة دى اى كلية بتوفرها

2) ايه الجامعات اللي بتقدم بكالريوس صيدلة كلينيكال و هلى توازي دبلومة كلينيكال ؟
كليات كتيرة بتقدمها زى المنصورة وطنطا والقاهرة والاسكندرية تقريبا والاسماعيلية بس مش كل الكليات نجح فيها البرنامج ده فى كليات متقدمة فيه زى القاهرة بحكم المستشفيات الكبيرة اللى حواليها زى 57 والقصر العينى وكده وفى كليات وصلت لمعدلات كويسة زى المنصورة وفى كليات فشل تطبيق البرنامج فيها زى الاسماعيلية والبكالريوس ده لا يوازى الدبلومة لان الاول 5 سنين دراسة اما التانى سنة بالكتير

3) هل لو انا خلصت صيدلة و خت بكلريوس صيدلة ممكن اعمل شهادة فارما دي او صيدلة كلينيكال و هل هيساوا اللي درسها من الأول ؟
انت قدامك طريقين يا صيدلة عادى يا كلينكال اللى هتاخدها هى اللى هتتخرج بيها وكل واحدة فيهم 5 سنين بتوع كلية صيدلة يعنى

4) بالنسبة لدرجات الماجستير و الدكتوراه هل هي مهمة في العمل داخل مصر و لا بره اكتر ؟
موضوع الماجستير والدكتوراه والزمالة والحاجات دى انا ماليش علم بيها خالص لان اجرائتها بتختلف من كلية للتانية

5) الصيدلي من حقه يفتح معمل تحاليل بعد ما بيعمل دبلومة تقريبا , هل بردو من حقه لو خد صيدلة كلينيكال او فارما دي يعمل بردو معمل تحاليل ؟
خريج علوم نفسه بيعمل الدبلومة دى وبيفتح معمل تحاليل وخريج صيدلة نفس الكلام برضه وكلية صيدلة نفسها اللى بتوفر ليه الدبلومة دى


6) انا دخلت جامعة msa هل أقدر اعمل الدرسات العليا دي كلها في جامعة القاهرة بعد التخرج و هل لو سافرت بره اقدر اعمل كل الدراسات دي بره ولا لازم اعملها هنا قبل ما أسافر بره ؟
لو انت اتخرجت باى بكالريوس من اى كلية تقدر تعمل ماجستير فى اى كلية تانية عادى جدا والدراسات وكل الكلام ده

يا ريت يا جماعة حد يرد عليا انا نفسي اخش الكلية و انا عارف هعمل ايه مبقائ زي الأطرش في الزفة !!

اتمنى انى اكون قدرت افيدك