شارك برايك وارجو عدم الحذف

[زياد نور]

السلام عليكم ورحمة اللة وبركاته
تحية الي كل الاخوة والاخوات المدرسين ياجماعة انا مش عارف احنا مستنين ايه مستنين النقيب اللي المفروض هيقف جانبينا وهو بيدافع عن الحكومة وكلامه اللي كل شوية بيتغير ويقول انه في فعلا التعليم هو الحل لاصلاح البلد ولا مستنين الوزير اللي قال ان ان الا هيعمل اضرابلا ومش من حقه ومن حقنا بس التظاهر لكن اضراب لا عشان الحالة التعليمية اللي في البلد انتوا عارفين طبعا ان المدرسين فعلا في المدراس التعليم بياثروا في حالة التعليم ازاي يعني
طبعا ناس هتزعل وتقول التعليم دي رسالة
ودي واجبنا ولازم نستحمل بس عايز اقولهم حاجة واحدة اللي بيعلي صوته في البلد بتاعنا هو اللي بياخد حقه
وعلي راي واحد صاحبي قالي ان المدرسين اول مايجليهم كام جنية زيادة بيعملوا قلبة علي الفاضي وغيرهم واخد حقه ومش بيكلم زي الضرائب والتامينات وبعدين سوري ياجماعة شوفوا احنا ازاي بنتعامل من المجتمع ياما احنا بلطجية دروس خصوصية ياما اللي مش بيدي درس فينا يبقي غلبان ويبقي مش لاقي ياكل والغفير في الوزرات التانية احسن منك وبعدين المشكلة مش مشكلة فلوس بس ولا كادر المنظومة نفسها مش مظبوطة بصوا كده ع كلام الوزير مع عمرو الليثي ع المحور فين الرؤية ياجماعة اللي المفروض هتعلي التعليم
في البلد
شوف كلام الوزير والنقيب الكادر هيتظبط قبل العام الدراسي
احنا وفرنا فلوس بس الفلوس عند المالية اصل احنا مستنين ميعاد مع رئيس الوزارء بيحسسوني ان رئيس الوزراء ساكن في المريخ
شوفنا احنا بنتعامل ازاي وغيرنا بيتعامل ازاي شوفوا الناس بتاعة المطار عملوا بس اضراب 12 ساعة المانيا مطارتها وقفت
وعلطول مستشار الرئيس راح والوزير راح وهم اصلا كل مطالبهم من قبل منفذة احنا ومحدش طلع قال اللي هيضرب الداخلية مستنيها ياجماعة واللهي حرام هي دي البلد اللي عايزين ننهض بيها وانتوا عارفين ان البلد دي مش هتصلح الا بالتعليم والصحة دي كلام الدول اللي نهضت مش كلامي بس كان فيه رؤية وخطة ومحدش ساعتها قال اصل مفيش فلوس اصل هنجيب منين اصل حال البلد ليه هي البرازيل وهي بتفلس قبل ما تنهض كانت حالتها احسن من مصر ولا البرازيل وكوري
اتفرجوا علي تركيا كده اللي السنة اللي فات اردوغان احتفل انه الطالب بقي بيستخدم الاي باد بدل من الكتاب واحنا لسه بنشوف ايه اللي اتطبع وايه اللي وصل


واما الناس في الجامعة عاملوا اضراب محدش اتكلم وخدوا ساعته حقهم وزدوا وساعتها كان فيه فلوس وانتوا عارفين طبعا الجماعة اللي لو طلبوا بس ان يبقي فيه ندب من التعليم الي الجامعة كل الناس علطول هتحول عي الجامعة ويسيبوا المدراس فاضية


ازاي فياريت بس بينك وبين نفسك كده شوف بالطريقة ديه فعلا التعليم هيتقدم ولا احنا عاملين منهج خاص بينا غير كل الدنيا وبنقول ان هو ده المنهج الوحيد الصح ولا احنا فعلا محتاجين ثورة تبدا من التعليم ارجو من الجميع المشاركة والتعليق لو الموضوع متحذفيش