مشــــكلة ارجو الحل

[.MOHAMED SAMY.]

المشاركة الأصلية كتبت بواسطة * dr.nour *

و عليكم السلام و رحمة الله و بركاته
أكيد حضرتك بتسرح في المذاكرة
يعني أنا أعتقد حتى الحاجة اللي بتخلصها في 3 ساعات بتلاقي نفسك بعدها مش متقنها أوي
أنا مجربة الموضوع دة
مشكلة السرحان ممكن تتحل بأكتر من طريقة
لازم حضرتك تحدد هدفك و تكتبه قدامك في مكان واضح دايماً بحيث أول ما تسرح تفتكر و تركز تاني بس الهدف دة ما تقعدش تفكر فيه طول الوقت دة ممكن يعطلك عن المذاكرة لكن خليه حافز لاجتهادك و إنك مش هتحققه غير بالاجتهاد
تاني حاجة لو سرحت مثلاً تروح قاري صفحتين في المصحف أو ربع أو تذكر ربنا 100 مرة أو أي حاجة من دي علشان تستوعب مدى الوقت اللي بيضيع في السرحان و ممكن تعمل فيه إيه و أكيد هتستفيد أكتر من حاجة في الموضوع دة
و ما تذاكرش متواصل يعني تقعد تركز و تذاكر كويس مثلاً لمدة ساعة إلا ربع أو ساعة و تريح ربع ساعة بس بلاش على النت ممكن في أي حاجة ما تضيعش الوقت لإن النت مش هيكون ربع ساعة بس و كلنا مجربين
حاول تستخددم طرق جديدة للمذاكرة مش الطرق التقليدية و حسس نفسك في كل مادة إنك عالم فيها و عايز تعرف كل حاجة دة هيشدك جامد للمذاكرة
حاول كل يوم تستغفر و تصلي قيام ليل و تقرأ حتى ربع من القرآن و تدعي ربنا إنه يساعدك و يعينك على المذاكرة

آسفة على الإطالة و لو فيه أي استفسار كلنا موجودين

شكرا لحضرتك ع الرد

بس انا مش بسرح ولا حاجه وبالعكس ببقى مركز اوى لكن بحس انى لما بغيب وانا بذاكر بقتنع باللى ذاكرته انى ذاكرت كويس وبكده بتكون الحاجه اللى مفروض اخلصها ف وقت قليل لازم اطول فيها وبلاقى نفسى خلصت جزء صغير واكون زهقت