حابب يكون لك أخت بنت ؟؟؟

[To Be Is To Do]

السلام عليكم

إزيكم يا جماعه أخباركم إيه ؟؟ "تمام" طب الحمد لله

المهم حابب أتناقش معاكم فى موضوع لذيذ كده بما أننا فى أجازه بقى وماورناش حاجه وقاعدين فاضيين مش لاقين حاجه نعملها وبنشاكل دبان وشنا من الفراغ إللى إحنا فيه ( طلاب الجامعه بس ، بتوع الثانويه يذاكروا بدل ما أجيلهم ، هاااااااا )

المهم بعد اللت إللى لتيته والرغى الكتير ده السؤال هو حابب يكون ليك أخت بنت ؟؟؟

لو حابب أو لو مش حابب ، إذكر مبرراتك فى الحالتين ..

أه نسيت أقولكم بلاش والنبى بقى عبارات " إللى يجيبوا ربنا كويس " و " الحمد لله على كل حال " و " إحنا حنعترض على مشيئه ربنا "

يعنى ده موضوع ترفيه كده ، نقاش يعنى ، ليس به إعتراض على شئ ، إنما هو للترفيه فقط ...