هتعملو اية نصرة للرسول ........بعد الفيلم القذر دة?!!!!!!!!!!!!

[dandana.s]

السلام عليكم
اولا بعتذر عن الكلمة اللى فى العنوان
بص غصب عنى
انا شفت لقطات من الزفت الفيلم ودمى محروق ع الاخر
بجد بجد ربنا ينتقم منهم
بس مينفعش ان انا دمى يتحرق وبعد شوية اسكت والموضوع يعدى
احنا لازم نخليهم يندمو ع الفيلم دة
طبعا مش هانسافر امريكا وندور على الممثلين والمخرجين فى الفيلم ونمسكهم نقتلهم
لا احنا هانقتلهم من الغيظ
هنحاول ان احنا نتمسك بسنة نبينا محمد اكتر من الاول
كل واحد يحاول يحافظ على سنة من السنن
وكل واحد يدخل يقول فكرة هو هايعملها نصرة للرسول وتفيد الناس فى التقرب من الدين اكثر
علشان يعرفو ان الفيلم دة هايبقى نقمة ليهم
انا عن نفسى فكرت فى فكرة
انا جبت مجموعة كبيرة من كتب مجموعة د مصطفى زايد بتتكلم عن مواضيع كتير اوى
تخص الشباب والبنات
ووالله ماشاء الله الكتب دى ليها صدى كبير اوى وخصوصا انها بتتوزع عندنا فى مصلى العيد كل سنة والبنات بيطلبوها كتيييييييييييييييير
الكتب دى بيحبها البنات جداجد ا والشباب بردو
لان الكاتب (وهو اصلا دكتور بشرى)بيتكلم فيها باللغة العامية يعنى بيوصل لاقل طبقة من الفهم فى المجتمع
فاالواحد وهو بيقرى الكتاب بيحس ان الكاتب قاعد معاة وبيكلمة هو بس
فانا حبيت نصرة للرسول وعملا بالحديث "بلغو عنى ولو اية " انى اوزع الكتب دى على زمايلى
خصوصا اى حد فى كلية عين شمس
انا على استعداد ان اى حد ينفذ معايا الفكرة دى واوصلة الكتب فى الحتة اللى هو عايزها
وممكن يابنات نتقابل فى الكلية او فى محطة المترو
وممكن تاخدى الكتاب ليكى ولو حسيتى باستفادة ممكن اديكى تانى توصلية لزمايلى
اللى مش هايعرف يوصل بالطريقة دى ممكن يجيب الكتب دى من على النت
كتب باسم "للبنات وبس "لانك غالية "وفكيها شوية" دول جزء من المجموعة للبنات
وللولاد "خليك اسد "
يارب تكون فكرتى عجبتكم
وعاوزة اشوف كل حد هايدخل يقول هو هايعمل اية
ولو فعلا حد فى عين شمس هايقابلنى فى عين شمس يكلمنى ع الخاص
واتمنى تكونو استفدتم وعارفة اكيد ان الموضوع هايعجبكم وهتشاكو
حطو كذا نية وربنا هيعينكم ان شاء الله
وجزاكم الله كل خير