تفتــكروا فــى امـــل :((

[يوسف حسن يوسف]

السلام عـليكم و رحمـه الله و بركـاته
ازيكـم يا رجــاله
فى البدايـه احب اشكركم جدا على المنتدى الجميل ده
بصـراحـه الواحد كل لما بيفقد الامل انـه يحقق مستقبل كويس بيدخل هنا و بيلاقى ناس بتشجـعـه مع انى مبشاركش فى المنتدى بس بلاقى مواضيـع تفتح النفس بصراحـه
انا طــالب 3 ثانوى < علمى رياضـه >
جبــت السنـه الى فــاتت 92%
بصـراحــه انا مكنتش بذاكر قـوى السنـه الى فاتت و مجموعى ده زيـاده عن حقـى كمان و انا معترف بكدا بس مش دى المشكـله
المشكـله انى كـان عندى حلـم اى طـالب علمى رياضـه فى مصر و هو الهندسـه
بس بصـراحــه لما جيت دخلت 3 لقيت نفسـى متلغبط و مش فـاهم امشـى حياتى ازاى
سنـه تانيـه ثانوى اسهل بكتير اوى من تالتـه و مش عارف انا ضيعت الدرجات دى كلها ليـه و بصراحـه بضرب نفسى 100 جزمـه انى مأخدهاش جد من الاول لان السنـه الى فاتت الواحد كـان ممكن على الاقل فيـها يجيب 95% لان مقارنـه بتالتـه فى هى لعب عيال
و شيطــانى ماسكنى بصـراحـه اليومين دول و عمـال يقولى
يابنى خليك عملى و حول ادبـى اهـو حتاخد فلسفـه و تاريخ اه هما مش سهلين للدرجـه بس اكيد اسهل من الفيزياء و الريـاضـه 2
بس بصـراحـه انا فى سنـه تانيـه كنت اكتر ماده بذاكرها هى الكيمياء اه فى الاخر جبت فـيها 45 بس مش مهم حصل خيـر
و مش هاين عليا انى احول ادبـى بعد ما اتفحت فى الكيمياء السنـه الى فاتت
دروس و مذاكره و امتحانات
و بقـول لنفسـى ياريتنى كنت دخلت ادبـى من الاول كنت ممكن اجيب اكتر من الـ92% و ادخل تجاره انجلش مستريح
بس برضـه بقول لنفسى تجاره انجلش ايـه !!
يعنى واحد يبقى قدامـه الفرصـه انـه يدخل هنـدسـه او علـوم بتـرول و يسيبها و يروح لتجاره برجله بس برضـه الشيطان بيعد يقـولى مش احسن ما تتفحت فيزياء و رياضـه 2 و مجموعك ولا يجيب علوم ولا يجيب هندسه و ممكن كمان ميجبش تجاره علشان تجاره من على اعلى
فـ بصـراحه انا تعبت و عايز اعرف اعمل ايـه
احــول ادبـى و ارضـى بنصيبى و اذاكر كويس السنـه دى يمكن تجيلى تجاره انجلش و ابقـى برضـه اسمى استرحيت فى 3 بدل ما اعد اعيط على المجهود الى حعمله فى الاخر زى بتـوع السنـه الى فاتت الى بعد ما كـانوا جايبين تسعينات فى تانيـه طلعوا من الثانويـه العامـه كلهم تمانينات و ملحقوش حتى التجاره
ولا احط هدفى قدام عينـى و احاول اوصـله و اسيبها على ربنا
انا عايز حد يسـاعدنى يا جمـاعه فى اختيار القرار علشان لازم احدد انا حعمل ايـه اليومين دول علشان مستقبلى ميضعش و علشان احنا فى شهر 9 ولازم لو ححول ادبى احول بدرى
ياريت يا جمـاعه حد يفيدنى و عايز ردود منطقـيـه تشجع الواحد على القرار الى لازم ياخده
و شكـرا ليكم مقدمـا