لماذا ايها المعلمون تنظرون لانفسكم نظرة متدنية ونظرة أن قيمته أقل من أى موظف اخر

[khaled1968]

يا اخوتى الاحباء

بمناقشتى مع زملائى فى المدرسة حول موضوع الاضراب وحقوقنا والله طلعوا فيا كأننى عدة وانتم عاوزين ايه هة كنا بناخذ كام واصبحنا كام وظروف البلد واحوال البلد

وعندما قلت لاحدهم هو انت اقل من اللى شغال فى الضرائب ولا النيابة قال لى ايوه عمرنا مانبقى زيهم هو احنا بنشتغل زيهم قلت لهم نعم واكبر منهم نحن المعلمين بنعلم كل عام 17 مليون طالب وطالبه هو ده مش شغل قلت روح المكاتب فى الضرائب ولا اى مصلحة وانت تعرف انت شغال ولا لا

وكان احد الزملاء تبع الاخوان كان السنة اللى فاتت بيطالب مع المطالبين بزيادة الراتب الى 3000 واليوم بيقول احمدوا ربنا مايملاش عينكم الا التراب

يااخوانى 90% من العاملين فى التربية والتعليم مش عارفين قيمة انفسهم وينظرون الى انفسهم أنهم اقل قيمة من غيرهم ودى المصيبة

يااخواننا نحن مؤهلات عليا هندسة وتجارة وعلوم واداب وتربية والسن وعلوم سياسية وبلوم دراسات عليا وماجستير ودكتوراه لماذا تحتقرون انفسكم وتقولوا ان غيرنا افضل منا واحنا لانعمل مثلهم لماذا هو دا اللى قل قيمتنا وهنا على عيرنا لأننا اهنا انفسنا اولا