خليك كووووول بس امشى بالمعقول

[Yes We Can]

فـى حيـاتنا نجـد النـاجح و الفاشل
و لكن من المؤسف نقتدى من الفـاشل
و لكن ... كـيف افعل ذلك ؟ انا نـاجح ليس فاشل !!
دعنـى يا صديقـى ... اشرح لكـ ما يدور فـى فكـرى
و احكم انـت ...

انت ترى انك ناجح لان معظم الذين يلتفون حولك هم مثلك
بمعنـى اخـر ... انت و هم اخلاق واحده و نظره واحده و حيـاه واحده
انتـم جميعكـم واحــــد .. هذا ليس عيبـا
و لكن العيب ان نكـون واحدا فـى الظلم و انعدام الاخـلاق
سوف امرر اليـك الميكـرفون و تحدث الى نفسك و احكم عليهـا ؟

الولـد : انا انسان عادى جدا بصحى متاخر و بقوم ع الكمبيوتر علطول
اقعد لحد ما الاكل يخلص و بعدين اخد فلوس من الوالد و الوالده
و بعدين انزل اصيع بليل اعاكس بنات و اشرب سجاير
مش هقول انى بشرب مخدرات عشان ده عيب و حرام
لكن بشرب سجاير و بصرف الفلوس كلها مع زمايلى فى اى حاجه عاوزنها
و نقعد نتريق على بعض و نشتم بعض بصيغه الهزار و نفرد نفسنا قدام البنات
و نتمنظر قدامهم و نقعد نضحك على اى حاجه و ندخل سينما و ندخل فيلم للكبار فقط
و نعيش اساحبـى و نظبط الدماغ ف الاخر بفيلم من الافلام الحلوه دى
و ارجع ميه ميه و دماغى رايقه يا عم ده احنا لسه شباب و عاوز اعيش سنى


البنـت : انا انسانه عاديه جدا بصحى متاخر و انط ع الكمبيوتر اشوف مين عملى اضافه و لايك
و كومنتات و نظبط كده و احاول اصاحب ناس كتيره عشان اثبت لنفسى انى جميله و الشباب
عليا كده ايه اول مايشوفونى يتهبلوا عليا و اتدلع عليهم ف الشات و بعدين جرررررى ع المرايه
اظبط مكياجى و احط روج و منكير و كل ماتشتهيه عينك و بعدين البس اكتر حاجه محزقه و
اخد فلوس من بابى حبيبى عشان بيحب يدينى فلوس زى ماطلب و احب اطلب كتير
و انزل اصيع مع صحباتى و ننقى واد كده نحاول نضحك عليه شويه و نتصور 50 صوره و احطهم ع الفيس
بعد كده و ندخل كافيه و اروح الحمام اعمل انى بظبط مكياجى بينى و بينك عشان الولاد يشوفونى
و يعاكسونى عشان اثبت لصحباتى انى جميله و معجبه من الجميع يعنى انا شابه و بنت
بحب اكون جميله دايما مفيهاش حاجه دى ده انا لسه شابه

بعـد ان انهـى ضيوفنا الاعـزاء ( الولد و البنت )
و كان الجمهور ف القاعه كله صقف اووووووووووووى
الولاد صقفوا عشان البنات و البنات صقفوا عشان الولاد
و ف الاخر كل واحد ظبط مع التانى ... كبر g وروق d

هكـذا سبب انحطاط اخلاق مجتمعنـا
اى شاب او شابه بيقلد غيره عشان يكونوا شباب كوووووووووول
و بيقلد اصحـابه حتى لو كانو منعدمين الاخلاق

نصيحـــه : لو عاوز تكون شيك ف لبسك مش لازم تلبس بنطلون ساقط
و لو عاوزه تكونى شيك فى لبسك مش لازم تلبسى اخر موديل محزق
و لو عاوز تكون انسان قوى الشخصيه مش لازم تستقوى ع الضعيف
و تشتم ف خلق ربنا و تهزئهم و تحتقرهم
و لو عاوزه تكونى انسانه قويه الشخصيه مش لازم تتكلمى على اى واحده
جات سلمت عليـكى او شوفتيها ماشيه قدامك

لو عـاوز تكـون انسان قـوى الشخصيه و انسـان محتـرم
لا تهتم بكـلام الناس و لا باساليبهم و اخلاقهم
بل اصنع لك شخصيه و دع النـاس تقتدى منك و ترى عمل الله فيـك


تحيـــــــــــــــاتى
جـديد و جـديد