منذ بداية حكم الاخوان

[Dr \ Mohammed Saeed]

إكتشفنا إن قانون الطواريء مذكور في القرآن زي ما أعلن وزير العدل الإخوان أحمد مكي

- إكتشفنا إن القرض بقى حلال و الفائدة مش فائدة دي مصاريف إدارية

- كامب ديفيد أصبحت إلتزام بالإتفاقيات الدولية بعد ما كانت خيانة أيام مبارك

- ممكن بنت في رابعة إبتدائي تتجوز بالدستور إللي بيطبخ في مكتب الإرشاد


-إتفاقية الكويز بقت ذكاء و دهاء من مرسي بعد ما كانت تطبيع أيام مبارك

- الغاز المسيل للدموع مش بيأثر سلبياً على الصحة و إحتمال قريب يطلع مفيد للحياة الزوجية زي تايجر كينج

- إكتشفنا إن الرئيس لما يكون معاه كل السلطات دة عادي جداً بعد مكان أيام مبارك صناعة فرعون

- فض الإعتصامات بالقوة و سحل المعتصمين و إعتقالهم طلع مفيد للعملية الإنتاجية

- مشروع النهضة من أساسه طلع فنكوش و إحنا إللي فاهمين غلط

- غرق شباب مصر الهارب من الفقر في مصر طلع مش المسؤول عن الدولة ولا حاجة دة طلع إنتحار و هيدخلوا النار

- قطع الكهرباء و المية بقى ترشيد للطاقة مع إن الغاز بتاعنا بيتصدر لإسرائيل بأقل من الأسعار العالمية بكتير و لسه بيتصدر بنفس الأسعار عادي برضو طلع الموضوع مش إهدار مال عام

- القصاص من إللي قتلوا الشهداء بقى كبر مخك

-نفس ضباط الداخلية إللي حمو مبارك هما هما إللي بيحموا مرسي
علشان عملهم زياده فى المرتبات الـ 3 اضعاف.

- طلعت أمريكا مش طاغوت أعظم ولا حاجة زي ما فلقوا دماغنا بالشعار دة سنين و سنين و طلعت دولة صديقة !!