احتاج لرأى مدرس فيزياء ضرورى جدااا

[shahd m.salah]

السلام عليكم و رحمة الله و بركاته
انا اسمى شهد محمد صلاح
طالبة فى سنة اولى صيدلة جامعة القاهرة و كنت عايزة اخد رأى احد مدرسى الفيزياء الموجودين بالمنتدى
اولا : فى امتحان 2012 لمادة الفيزياء كان نص سؤال معين هو علل معامل الانكسار النسبى قد يكون اقل من الواحد الصحيح
كانت اجابتى نصا كالتالى :
معامل الانكسار النسبى هو النسبة بين سرعة الضوء فى الوسط الاول الى سرعته فى الوسط الثانى فاذا كانت السرعة فى الوسط الاول اكبر ومن السرعة فى الوسط الثانى يكون معامل الانكسار النسبى اقل من الواحد الصحيح حيث ان
1n2 = n2/n1


طبعا من الواضح ان اجابتى مش تمام حيث ان الاجابة النموذجية ستكون كل هذا الكلام مع استبدال كلمة اكبر من ب كلمة اصغر من

السؤال كان عليه درجة كاملة نقصتها ف سؤالى هو .. اذا رفعت قضية هل ممكن اخد نصف رجة باعتبارى عملت كل حاجة و كاتبة القانون اى اننى فاهمة ؟؟


ثانيا : فى نفس الامتحان كان يوجد سؤال يطلب كتابة خاصيتين من خواص المجال المكغناطيسى لمحور ملف دائرى .. فى هذا السؤال للاسف كتبت اجابة خاطئة حيث اننى كتبت ان الخطوط بتكون غير متوازية مع انها مذكورة فى كتاب الوزارة متوازية .. لكن انا رسمت مع انه مكنش طالب رسم و فى الرسم المفصل رسمت الخطوط متوازية مع العلم انى عارفة كويس انهم متوازيين لكن غلطة سرعة شنيعة

انا نقصت كمان درجة فى هذا السؤال و كنت مجاوبة 6 اسئلة و بالتالى جبت 49 فى الفيزياء
اذا رفعت قضية هل ممكن اخد نصف درجة فى كل سؤال ؟؟ يعنى اخد درجة كاملة فى الامتحان او حتى نصف واحد ليرتفع مجموعى فى الفيزياء من 49 الى 49.5 ؟؟ مع العلم ان انا تلزمنى نصف درجة فقطططط لكى اضمن دخولى كلية اسنان

انا بحاول محاولة كده عبثية بس مش عايزة اكون بترك حق ليا مع انى مرتاحة نوعا ما الحمد لله فى كليتى و قبل ما اعمل اى حاجة حبيت استشير حد من الاساتذة فى المنتدى

يا ريت حد ينصحنى و متأسفة انى طولت عليكم