يــــــــــلا جـــــــــــامعـــــــــــه :)

[To Be Is To Do]

نازل الصبح الكليه الساعه 8 وربع والمحاضره الساعه 8 ونص المهم ركبت مشروع ع طول وبحط ايدى ف جيبى عشان ادفع للسواق احيه مش لاقى المحفظه دى فيها بطاقه الترشيح اللى بدخل بيها الكليه احيه احيه دى فيها البطاقه الشخصيه بتاعتى يا لهوى يا لهوى
ده السواق عدى مسافه 10 دقايق يا خرابى يا خرابى
ع جنب يا اسطى طبعا نازل بفضيحه من المشروع لانى كده كانى بنصب ركبت ومش دفعت يا لهوى معيش ولا مليم طب حرجع ازاى للبيت تانى عشان اجيب المحفظه
طب اروح الكليه و استسمح الراجل اللى ع البوابه يدخلنى لا لا لا ده راجل رخم يا خراشى يا خراشى معيش حتى انى اركب مشروع تانى
وتذكرت
انا مش عارفنى انا تهت منى انا مش انا لا دى ملامحى ولا شكلى شكلى ولا ده انا
طب والعمل يا الله المهم رجعت البيت مشى هيه هيه هيه طلعت الشقه وبفتح الباب والحاجه " ايه ده انت مين " انا ابنك خالد نسيت المحفظه وكل حاجه ع الديب فريزر
" ما الموكوس موكوس " المهم خدت المحفظه ونزلت وطبعا كانت الساعه بقت 9 وشويه
وتذكرت
الجوازه باظت .. الجوازه باظت قصدى المحاضره راحت .. المحاضره راحت
ورحت الكليه وانا متغندر الساعه 9 ونص كده

والحمد لله على كل حال وبارك الله فى 5 دقايق المحاضره اللى لحقت أحضرهم