مسابقة القسم2 : مـــرســي فــي الـمــيـزان بـيــن الانـــجـــاز والاخـــفــاق

[محمد محمود بدر]

المشاركة الأصلية كتبت بواسطة darch_99

هل من العدل والانصاف والموضوعية
1- ان تتحقق مشروعات قومية في 100 يوم
2- العداله الاجتماعية لاشك ان هناك فئات قد استفادت من الثورة لكن 100 يوم ليست كافيه للحكم عليه في هذه النقطه
3- المشاركة لا المغالبة : ولي فيها رأي مخالف لحضرتك مع الاحترام والتقدير
يجب علي من يحكم ان يختار هو بكامل ارادته من يعاونه في تنفيذ خطته ولا يشاركه في ذلك فصيل اخر في تحقيق ما يراه لان هذه هي الديمقراطية التي نتشدق بها ليل نهار واظن متيقننا لو ان الناصريون والليبراليون قد فازو في الانتخابات ما وجدنا غيرهم في الحكومة او الرئاسة ولا ادل علي ذلك من 60 عاما مضت ومع ذلك لم يطبق هو هذة القاعدة ولم يرض فيها لا هؤلاء ولا هؤلاء واقصد بهؤلاء الثانية الاسلاميون

سيدى الفاضل مع كامل احترامى وارجو تقبل نقدى :
انا سألتك : " اين العيش" " العدالة الاجتماعية " " المشاركة لا المغالبه " " المشروعات القومية "
حضرتك جاوبت : " هل من العدل والانصاف والموضوعية ....... كذا وكذا كما سلف "
اولا هل تعلم حضرتك انه هناك بشر والله الذى لا اله غير لا يجدون العيش الحاف واحنا بنتكلم عن سعر المانجو
هذا عن العيش الذى لم تجاوبنى عليه
ثانيا : العدالة الاجتماعية : لو كانت 100 يوم ليست كافيه كما تقول حضرتك فلو كنت رئيسا لكل المصريين كنت اتخذت قرارا امام الشعب بتخفيض الحد الاقصى للدخل وتوفير ما يلزم لحياة كريمة لكل مواطن حتى لو لم تحدث فى 100 يوم بس على الاقل كنت هاصارح الشعب باللى اقدر اعمله واللى اقدر ما اعملوش لكن اكون معلم او طبيب واقبض 800 جنيه وعمال فى الكهرباء او البترول او القضاء يقبض 3000 جنيه عمر دى ما كانت عدالة اجتماعية العدالة الاجتماعية اننا نتساوى يا ترفعنا زيهم يا تنزلهم زينا وده مش محتاج 100 يوم ولا حاجه
ثالثا : بالنسبة للمشاركة والمغالبة انا من انصار ان الاخوان المسلمين هم اللى يديروا البلد طالما نجحوا فى االانتخابات لكن ....... مش هم الاخوان اللى قالوا مشاركة لا مغالبة ... يبقى من حقى احاسبهم على اللى بيقولوه ... الا فى حالة واحدة اذا كان الاخوان كاذبون وبيلحسوا كلامهم
رابعا : المشروعات القوميه حضرتك جاوبت "هل من العدل والانصاف والموضوعية ان تتحقق مشروعات قومية في 100 يوم " فعلا ليس من العدل ولا الانصاف ولكن ؟...... مين اللى حط نفسه فى زنقة هذه المدة المستحيلة اكيد مش انا ..... بل الرئيس ثم ان انا ما باقولش ايه المشروعات القومية اللى خلصت
باقول ايه اللى ناويين نعمله لو حضك عندك علم قولى
اشكرك لسعة صدرك