جـروب 3 ثـانوى ( ادبـى )

[the chosen one]

المشاركة الأصلية كتبت بواسطة جديد و جديد

انا عارف ان عربى 3 تقيل شويتين
بس هنعمل ايه هو قدرنا كده
و الحل الوحيد اننا نقسم كل حاجه و تكون مذاكرتها لوخدها
نمسك مثلا القصه : اقريها من كتاب خارجى و يكون كلها و بعدين اقرى الملخص
و بعدين اقرى المعانى و بالتكرار هتتحفظ و ف الاخر اقرئى الاسئله من مذكره استاذك
طب نيجى للنصوص : حاولى ف اول السنه تكونى فاهمه بلاغه كويس
حتى لو هتجيبى ورق تذاكريه الهو التشبيه و الاستعاره و الاطناب و الحاجات القديمه دى
او حتى تنزلى ورق من ع النت و تطبعيه و تذاكريه الاول
و بعدين تدخلى ع النصوص بقلب جامد كده هتكونى ضامنه مظاهر الجمال
و بخصوص المعانى افهمى الشرح من استاذك و روحى افتحى النص و افتكرى المعنى و احفظيه
بس كده هتكونى لميتى النصوص
اما القراءه هى سهله السنه دى مفيهاش حاجه
اما الادب هو طويل اوى بس ذاكريه واحده واحده
و ف الاخر المدرس بتاعك ممكن يديكى ملخص الادب و يكون فيه التشابهات ف المدارس و كده
اما النحـو فده فيه دروس تافه جدا و فيه دروس متوسطه و فيه دروس صعبه
بس ! هو طويل شويتين باردو
و امشى ع النظام ده .. و اطمنى على شهر 3 كده و لا حاجه لما تراجعوا هيكون سهل معاكـى
بالتوفيق ...

شكرااااا جداااااا على نصايحك القيمة
وان شاء الله هعمل زى ما قولت لانى بجد تعبت منه