قدَرك كده

[مريم السباعى.]

المشاركة الأصلية كتبت بواسطة khaled zakareya

قدَرك يا إنسان تقابل
ناس كتير متفهمكش
عادى جدا لازم تجامل
اى حد ميعرفكش
قولّهم اه صح وأكيد
كلامكم كله فى محله
مع إنك إنسان عنيد
بس لازم ترضى كله
لو تقول الإختلاط حرام
تلاقى مائه واحد بيرّد
يفضل الكلام بالعامية يعنى مئة او مِيت واحد يرد بكسرة مش مائة
يقولولك اتكلم باحترام
وتوصل معاهم لطريق سدّ
تروح تكلم واحد منهم
يقولك احنا مش فى عهد الرسول
عهد مش راكبة ممكن نقول اوا لبيت حصله تقل شوية ممكن نقول(يقوللك هو احنا ايام الرسول !)
لازم نضحك لازم نفرفش
وخلى اللى يقول يقول
يا بنى انت اللى محبكّها
شويه ومصعبها على نفسك
فيها ايه لما تضحكّها
وتناسب زمانك وتناسب عصرك
تناسب تكررها عمل تقل فى البيت يعنى يفضل تتتقال(وتناسب زمانك وعصرك)
وتبقى واد لذيذ وحفيف
والبنات كلها بتبص عليك
وتبقى معروف انك ظريف
بيبان حتى من نظره عنيك
الجزء دة جاامد جدا حلو كتير
طب انا واحد بيخاف ربّه
وبيخاف من " كما تدين تدان "
اكيد فى يوم حلاقى ردّه
نظره الناس لأختى بإمتهان
زى ما هذرت زى ما دلعت
حلاقى نفس الكلام بيحصلى
يفضل تقول حصلى علطول من غير اضافة الباء
والاقى مره مراتى بتقولى
نفس الملحوظة الى فاتت
واحد فى الشغل دلعنى
ساعتها مش حنطق ولا حعرف ارد
ساعتها مش حتكلم ولا حقدر أصد
غير انى اقولها معلش يا مراتى
منا ياما زمااااان قلت
سامحينى يا مراتى انا اسف ليكى
جوزك معرفش يحافظ عليكى
اكيد ربنا ردهالى فيكى
انا واحد ميستهلكيش
أنا واحد ميستهلكيش

اولى تجاربى ... آسف للعاميه ... رجاء وضع انتقادكم ... بكل صراحه

انا الى اسفة انى ابديت طبعا ملاحظتى وبعض التعديلات واتمنى تسمحلى بدة بس عايزة اقوللك ان القصيدة
بجد
بجد
بجد
رااااااائعة واشك ان دى اول محاولة ليك
يعنى اظاهر انك فضلت تقرا فيها كتير قبل تكتبها بس بجد روعة وفكرتها اروع
ربنا يقويك