انا اتخنقت

[~ Smile 4 Life ~]

بصي يا حبيبتي كلنا بنمرّ بالمواقف دي
وأنا نفسي والله متتخيليش لحظات الكآبة والملل اللي كنت بكون فيهم
مكنتش بكون طايقة نفسي ولا طايقة الكتاب وكنت أحيانا
بحب أقعد في عزلة تامة مع نفسي ومتكلمش مع حد خالص
لكن بتبقي فترة وبتعدي..
نصيحتي ليكي لازم تقربي من ربنا وتلجأي له..
وتداومي علي قراءة القرآن والأذكار والخشوع في الصلاة
لإن ربنا قال(ومن أعرض عن ذكري فإن له معيشة ضنكا)
وقبل ما تبدأي مذاكرة تستعيذي بالله من الشيطان وتقريلك صفحة أو صفحتين من القرآن
وصدقيني هتحسي براحة واطمئنان مفيش بعد كده
ومن ناحية المذاكرة نفسها فانتي لازم تحددي هدفك وتعرفي انتي عاوزة ايه بالظبط
وتبدأي تعملي كل اللي تقدري عليه عشان توصليله
ولـــكـــــــــــــــن
الصــــــبــــر
ثم
الصـــــبــــــر
ثم
الصــــــبـــــر

واعرفي كويس بأن الله لا يضيع أجر من أحسن عملا
ربنا يوفقك