\\**// ---- كلمة ولقاء ووداع .... \\**//

[صوت الحق.]

الدنيا كلمة ولقاء ووداع ؛ وطفل نفسه يتولد لأجل يعيش يجي كام سنه وبردو يرحل من سكات . هو السكات إللي أترسم علشان نعيش من غير ألم ولا ذكريات . هو السكات إللي اترسم فوق شفايف البنات . عرفتوا ليه إن النهاية بتتكتب من قبل ما ننسى الأهات . مليون كمنجه بيعزفوا لحن الحياة لأجل الممات .

هو إيه إللي حصل
ولا أنكسر
غير حلم مليان بالفشل !!
طب يجرى إيه
لما الأماني بتت***
لأجل العشم !!
ومين يداوي إللي انكسر
هو أنت ناسي إني بشر
مش عود قصب وبيتعصر !!
يا جرح مليان ذكريات
مش كلمتين ..
ولا صفحه بيضه بتتقفل !!
عصفور صغير يتولد
ما هو مش ولد
مخلوق عشان يحيا ف كبد !!
ملعون أبو أم الأمل ..
لما بيرسم صفحته
على نار وجمر بيتسكن !!
هي الحياه ..
من غير حبيب
تبقى إيه غير الكفن !!
لما الصداقة بتنتحر
لما صديقك يفتكر
أنه خلاص وصل القمر !!
هيجرى إيه
لما نضحي عشان نعيش
لأجل ما نموت في عجل !!

صوت الحق ،،،

جميع الحقوق محفوظة للكاتب ولا يحق لأحد النقل والإقتباس إلا بإذن من الكاتب