التقييم البديل ( الامتحانات اصلا حرام )

[مسلمة22]

السلام عليكم



اسلوب الامتحانات في تقييم الطالب اسلوب خاطئ و حرام كمان


فتوي هل طلب العلم فرض عين و لا فرض كفاية

فرض العين هو العلم الضروري اللي لا تصح حياة المسلم الا به ، زي ان الواحد يتعلم الاخلاق او زي انه يتعلم سورة الفاتحة عشان حيقرا بيها طول عمره ن زي انه يتعلم مناسك العمرة و هو رايح العمرة ، زي انه يتعلم مقدار الزكاة اللي حيدفعها


اما فرض الكفاية ان كفاية مجموعة من المسلمين يعرفوه مش لازم الكل

يعني جزء من المجتمع لازم يدرس كميا جزء من المجتمع لازم يدرس رياضة لكن ده مش فرض علي الكل


طيب ده مش معناه ان فرض علي الواحد يحفظ الاسامي و التواريخ والبلاد


و ان الطالب يخسر سنة من عمره عشان مش حافظ السنة اللي كان فيها العدوان الثلاثي و لا يخسر سنة من عمره عشان مش عارف يحل مسألة رياضة ، ولا يخسر سنة من عمره عشان مش عارف مساحة دولة جنوب افريقيا كام


طيب يعني ايه التقييم البديل ، ان الطالب يكون فاهم و مستوعب بس المناهج مش لازم يحفظ


الامتحانات ده اسلوب مرعب ، و بعدين هو ليه بنرعب الطلاب ، يعني لو سألنا مدرس الفصل عن مستوي كل طالب ما هو بيبقي عارف من غير حتي امتحانات


و ممكن نقوله مين الطالب اللي يصلح لدراسة الطب ومين اللي يصلح لدراسة الهندسة و مين اللي يدرس في الكليات النظرية


كل ده بدون اي امتحانات



اذا كان حفظ القرآن مش فرض ولا حفظ سيرة الرسول صلي الله عليه و سلم فرض ولا حفظ سير و غزوات الرسول صلي الله عليه و سلم فرض


ازاي الطفل الصغير يبقي فرض عليه يحفظ سير و تراجم العلماء ، وفرض عليه يحفظ المكان و الزمان للأحداث


ده علي اساس ان مخ الطفل شريحة موبيل مثلا او هارد للكمبيوتر و بيتخزن عليه


اسلوب التقييم البديل بيبتكر اساليب انسانية لتقييم الطلاب