قصيدة : آلالامى بدأتها

[شاعر الجروح]

آلالامى بدأتها
.......................

أدى حزنى و أدى جرحى دى الالامى بدأتها

جراحى كلها منك فى عز وقتها

مقدرش أقول كلمة حياتى خسرتها

كل ثانية معاك قلبى فيها كان يضيع

كل ما أفتكرك شارينى الاقيك دايماً تبيع

معقولة دبحت مؤمن كان فى عهدك مطيع

أحزان كتيره منك ولا مرة تبتسم

الشر مالى قلبك والملاك بيترسم

كل ما أبقى أقوى الاقينى بنقسم

أنا اللى كنت هاين..... قلبك طول عمرة خاين

غدرك مكنش باين ..... وقلبك ده كان قاتلنى

مش حضعف تانى مره .. وحتسلم كل جرة

وعد أطرد قلبى بره ... و أفوق للى ظلمنى

دى جراحى بقت عادى ..... وقلبى كان منك راضى

أخر مرة النوبادى .. وحنسى اللى حصلى

..................................................

أدى قلبك عرفته اللى هدلى الطريق

سبتنى أموت فى بحرك موته أسود من الغريق

وبقولك إنسى قلبى ولا بينا أى شئ

أنا ماشى ومش راجع أحاول أصحى فى قلب مات

بدام الحكاية واصلة للدبح وللممات

انا لازم أبعد عنك وأنسف الذكريات

من أمتى وانا جنبك وتعبى تقديرة أهون

كل ما افتكرك ليا الاقيك دايماً تخون

معقولة تبقى مخلص ؟ معقولة انت تصون؟

أنا اللى كنت هاين..... قلبك طول عمرة خاين

غدرك مكنش باين ..... وقلبك ده كان قاتلنى

مش حضعف تانى مره .. وحتسلم كل جرة

وعد أطرد قلبى بره... و أفوق للى ظلمنى

دى جراحى بقت عادى ..... وقلبى كان منك راضى

أخر مرة النوبادى .. وحنسى اللى حصلى

..................................................

,,, شاعر الجروح ,,,