حوار مع مواطن سنة2050

[ياسمين نصار]

حوا مع مواطن سنة 2050

حوار بين مذيعة ومواطن فى 2050

المذيعه: اسم حضرتك المواطن: ........

المذيعه: احكى لنا شوية عن ايام زمان

المواطن: أحكى ايه ولا ايه ولا ايه عن زمان .... والله متفكرنيش بايام العز....ايام

الرخص...أيام الاحترام.... طب ده انا مثلا فاكر من حوالى 40 - 45 سنة كدة كان

الواحد مننا ياخد من ابوة المصروف10او 15 جنيه فى اليوم وكانوا

بيكفوا...ومابيفتحش بقه...مش زى دلوقتى....الله يكون فى عوننا... .ده انا فاكر ان

عمرى ما ناقشت بابى الله يرحمه ف المصروف.... زمان الواحد كان محترم في

لبسه كان الولد لابس البادي والبنطلون النجر او البنطلون الجينز الديرتى المقطع و

خلاص..... والبنت تلاقيها ماشية باحترامها لابسة المينى جيب وبادى وبس او

البنطلون الاستريتش و خلاص...لكن لبس اليومين دول.... مايتوصفش....اجارك الله

زمان المصاريف كانت محدودة ...فين ايام ما كيلو اللحمة كان ب 45 جنية بس... ..

كانت ايام .. وبعدين زمان كانت ابواب البيوت تتقفل من بدري يعنى الساعة 4 الفجر

كدة... وكان الابهات ليهم شنة و رنة....يعنى ماتلاقيش واحد بيعلى صوته على ابوه

و لا بيمد ايده على امه....غير لو زعقوا له او ابتدوا معاه بالصوت العالى.... زمان كنا

بنذاكر على الاغانى الطربية الاصيلة....فين ايام الاغانى الاصيلة زى بحبك يا حمار و

العنب العنب العنب....لكن اغانى اليومين دول لا ليها طعم ولا لون و الكلمات بقت

مبتذلة ومالهاش معنى.... طب بذمتك كدة قارنى بين مطربات زمان زى الست روبى

و الست دانا و الست هيفا....لكن مغنيات اليومين دول بيعتمدوا على

المسخرة....فين ايام الفن....!!!!

المذيعة: قول للزمان ارجع يا زمااان