تعبت بجد مش قااااادرة

[كيمو رشاش]

السلام عليكم
ديه مش أول مرة أكتب لكو انا مش عارفة أعمل ايه خلااااص زهقت من المذاكرة ديه
بعمل كل حاجة وعارفة طرق كتير للمذاكرة بس مش بذاااكر مش عارفة ليه أنا زهقت من نفسي لو فضلت كده هسقط ..عملت جدول امبارح وماطبقتش أي حاجة من المكتوبة خالص مش عارفة ليه مش بعرف أركز غير قليل اوووي وبسرح كتيير ديه حاجة مش بإيدي كتبت ورق مكتوب عليه ركزي لا للسرحان وحجات من كده مافيش فايدة أقعد ع الكتاب ع نص أو ربع درس أحس نفسي هنجت مش قادرة وع فكرة بدعي ربنا كتييير اوووي بس لا حياة لمن تنادي وقعدت النهاردة أستغفر 1000 مرة بنية إن ربنا يسهللي المذاكرة مافيش ..بالزبط صاحية النهاردة الساعة تسعة تقريبا بدأت مذاكرة ع تسعة ونص ذاكرت مواقف ألماني 55 جملة مراجعة أديني قلت مراجعة قعدت فيهم ساعة ونص وكان باقي حاجة وأربعين موقف تاني كان المفروض أذاكرهم بس هنجت كان المفروض أذاكر فيزياء ومافتحتهوش والمفروض أذاكر ميكانيكا مافتحتهاش ودرسين عربي خلصت واحد صغير بتاع الأدب النبوي ولسى النص ده غير كلمات الإنجلش اللي مفروض أحفظها وأراجع ع حساب المثلثات ومن كل ده يادوبك راجعت 55 جملة مواقف وذاكرت درس عربي ...وبرضو ف نقطة بصراحة جو البيت أحيانا مش بيبقى مساعدني ع المذاكرة يعني ليا أختين صغيرين واحدة خلصت مدرسة خلاص والتانية لسى صغيرة بس هما الاتنين مع بعض بيعملوا دوشة فظيعة مش بعرف أذاكر يهدوا شويا ماما تدخلهم يتفرجوا تي في ..ألاقي ماما دخلت المطبخ عايزة تطبخ مش بعرف أركز العصر أخواتي 2 تانيين بيجوا من المدرسة بيتغدوا وويقعدوا كده مع ماما يبقى جه المغرب وكل ده مش عارفة أركز ومش عارفة أذاكر حاجة بالليل بقى ببقى هنجت بس أحيانا ببقى بذاكر بس مش كتير يا دوبك ساعتين وبنام أنا بنام بدري ع تسعة كده وأصحى الفجر أذاكر ألاقي أخواتي الاتنين صاحيين بيجهزوا حاجة المدرسة يخلصوا الاتنين التانيين يقوموا من نوووم ..أنا مش عازة أخلي ده مبرر يمنعني عن المذاكرة بس خلاص أنا زهقت زهقت بجد ..ما صدقتش أخلص من المدرسة عشان أذاكر وألم المواد ألاقي الدنيا بايظة خاااالص ....أسفة طولت عليكو جدااا بس ماليش غيركو بعد ربنا