اختى,,اية رايك تكونى منتقبة؟؟

[مريومه صغنتوته]

السلام عليكم ورحمه الله وبركاته
جزاكى الله كل خير يا صيدلانيه على دعوتك للبنات للبس النقاب وانا بفضل الله تعالى لبسته من حوالى شهر بس يعنى لسه جديده ادعيلى ان ربنا يثبتنى عليه
وانا بضم صوتى لصوتك -بعد اذنك طبعا-وادعو البنات انهم يلبسوه واحب اقولهم ان النقاب ليه افضال كتير اووووووووووووووووووووووووووووووووووووووووووووووووو وووووووووووووووووووووى كفايه احترام الناس ليكى فى الشارع وكمان ان الشاب اللى بيكون عاوز يتزوج بيدور على البنت المتدينه المحترمه المنتقبه اولا
طبعا انا مش قصدى ان البنات تلبسه عشان العرسان يطلبوهاولكن تلبسه عشان ربنا سبحانه وتعالى يرضى عنها والناس تحترمها والله والله والله صدقونى _عن تجربه_ان ربنا بيسير ليكى امورك وبتكونى حاسه برضا وراحه كبيره لانك فضلتى رضا الرب على رضا العبد
واحب اقول كمان انا النقاب فرض فرض فرض والدليل الايه 31 فى سوره النور وتفيسرها فى تفسير ابن كثير(واللى عاوز يتاكد يبحث فى تفسير ابن كثير)
واخير اتمنى من كل قلبى ان ربنا يهدى جميع البنات المسلمات لما يحبه ويرضاه