جروب 3 ثانوى ( علمى علوم )

[~ Smile 4 Life ~]

يا جماعة انا خلاص مش عارفة اعمل ايه ولا اشكي لمين
انا مش طايقة حاجة اسمها كتاب ومذاكرة
وفي حالة ما يعلم بيها الا ربنا
انا مش بدرس غير 3 مواد بس لاني قاسمة السنة
ومع ذلك مش قادرة اذاكر !!!!!!!
وآجي أقول لأهلي كده..بيصبروني ويقولولي احنا واثقين فيكي
ومتخافيش من اي حاجة انتي دماغك كويسة جدا وبتستوعبي بسرعة
لانهم معتمدين ع اللي حصل السنة اللي فاتت
لما مكنتش بذاكر ومفتحتش الكتاب غير في شهر5
يعني مكنتش مذاكرة المواد غير مرة واحدة فقط
وكمان فيه مواد كنت داخلة الامتحان محلتش فيها غير امتحانين تلاتة
بس الحمدلله عدت علي خير وربنا ستر
وكذلك المدرسين بيقولولي نفس كلامهم

لكن السنة دي مش زي السنة اللي فاتت ومش كل مرة تسلم الجرة
وانا مش عارفة افهمهم وضعي
اني خلاص جالي يأس من المذاكرة والامتحانات

وفي نفس الوقت لما بكون قاعدة بفكر مع نفسي بحس ان كل شئ سهل قدامي
حتي احيانا بكون حابة اني ادرس المواد اللي قدامي مش عشان امتحان
بالعكس انا بكون حابة المادة في حد ذاتها وحابة اني اتعلمها لنفسي مش لامتحان
وبحس انها هتفيدني كتير في المستقبل
وبرده عندي رضا باللي ربنا هيكتبهولي ايا كان
وبكون متفائلة جدا وبيبقي عندي احساس رائع اني خلاص هذاكر وانا كلي سعادة

لكن اول ما ابدأ أمسك الكتاب بحس بخمول شدييييييييد وكسل وراسي بتتصدع
وبقفل الكتاب علطول واروح قاعدة اما قدام الفيس او المنتدي او التليفزيون
يعني وقتي بيضييييييييييييع وبحس بالذنب جااااااااااااااامد

وبجد مش عارفة أعمل ايه؟؟؟؟؟؟؟؟؟؟؟؟؟؟؟