قصة شراء الخرازانة و الفصل لازم تشوفها

[ابونرمين]

المشاركة الأصلية كتبت بواسطة icdl_man

مدرس دخل على فصل قال للطلبة لازم كل واحد يجيب بكره خمسة جنيه عشان تطوير الفصل. لما الطلبة اعترضت قالهم اللي مش هيدفع هيسقط و بعدين انا هصرف الفلوس دي على الفصل مش هحطها في جيبي.

لم الفلوس و من ضمن الحاجات اللي صرفها فيها كان خرزانة جديدة يضرب بيها العيال.

الخرزانة بقيت حب حياته، سماها باسم بنت، و كل ما يحصل اي حاجة تضايقه في الفصل يضرب بيها ضرب مبرح، امعانا في الذل كان بيخلي الطالب اللي هيتعاقب هو اللي يروح يجيب الخرزانة من مكتبه.

في مرة طالب اتهور، من قهرته و غيظه قرر يكسر الخرزانة، زمايله اتلموا حواليه يحوشوه و يقولوله انت مجنون الخرزانة دي احنا اللي دافعين ثمنها يعني ملكنا عايز تكسر املاكنا؟ و بعدين نضطر ندفع ثاني و نشتري خرزانة جديدة؟ يارب تكون وصلت وتعرفو مين هو المدرس ومين الطلاب وايه هي الخرزانة !!!

لكن مين الطالب المتهور ده؟؟؟؟؟؟؟؟؟