البلد كلها بتخبط فى بعضها

[حميد بدوى]

البلد كلها بتخبط فى بعضها
والنبى حد يقولها
دى حالة عصبية
ولازم تتعالج منها
اصلها طول عمرها
بتكدب على شعبها
لو كانت قالت الصراحة من الاول
ماكنش حصلها اللى حصلها
أصلها طول عمرها
ماشية على حل شعرها
مش لاقية حد يلمها
أنا قولتلكم زمان
أن البلد دى
مشكوك فى أمرها
مش عايز حد يقولى
العيب مش فى البلد
العيب فى شعبها
اللى انتم ما تعرفوش
أن شعبها نفسه
زهق وطهق وشاف الويل منها
ربنا يصبر قلبه على ظلمها
مش عارف لحد أمتى هاتفضل
تخبط فى بعضها
وكل جمعة تكب الجاز على راسها
وتحرق نفسها
والنبى حد يقولها أن دى حالة عصبية
ولازم تتعالج منها
أنا عايز أعرف فين الناس اللى وجعوا
دمغنا ليل نهار بحبها
لو البلد دى حد بيحبها بجد
ماكنش بقى دا حالها ولا دا شكلها

الشاعر
عبد الحميد بدوى