وداعا ..العندليب الحزين

[هانى الشرقاوى]

خلاص خلصت امتحانات النهارده ولسه المستوى بكرة وخلاااااااااااص كده باى يا ثانوية
ان شاء الله بكرة العصر حسافر على طول أهلى وحشونى جدا وللاسف حيبقى صعب جدا انى أدخل تانى حتلخم فى حاجات كتير أوى أقرب فرصة انى أدخل فيها تانى حتكون فى شهر أكتوبر

المهم يا جماعة أنا قبل ما أمشى عايز أعتذر لكل واحد ضايقته وياريت أى حد زعلته يسامحنى وأنا من ناحيتى مسامح الجميع
أنا الهيصة اللى عملتها دى والله كانت من أجل الحق وربنا اللى يعلم

يا

صوت الحق : انت جميل أوى وتستحق الاحترام بس مش كنت معايا على طول صوت للحق مش مهم يا ريت متكنش لسه مضايق منى

عبقرينو مان : لو حكمت بين أى اتنين لازم تسمع كل الاطراف وأقل حق للمتهم انك تسمعه

مصطفى : أنا أسف أوى يا مصطفى أنا ضايقتك كتير ... أخوك الصغير يا درش وبيدلع عليك :D

ميس رانيا : تعلمت منك التسامح وشفت فى حضرتك ماما اللى مشفتهاش من 4 شهور (خايف أكون كبرتك فى السن )


محترف الادسنس : انت فعلا متميز بس الفرق بين الثقة بالنفس والغرور شعرة

علومجى : أكتر شخصية حبتها هنا وأثرت فيا

بندق : أوعى تبطل تكتب شعر وابعد عن السياسة وغنيلها

روؤف : لازم يكون عندك متسع ومكان الاخر يعرف يعبر عن رأيه فيه حتى ولو كان غير اللى انت شايفه صح وحتى لو تعبيره ده ضايقك وتعبك

المجاهد فى سبيل الله : متحكمش بالظواهر

ابن الباز السلفى : لو حتفضل تقرأ اللى انت بتحبه بس عمرك ما حتتعلم أبدا

شقاوة : مش كل ما وجدنا عليه أباؤنا صح

أرق ملاك : ليا عندك طلب صغير لو بقيتى دكتورة أطفال اقلعى النقاب وانتى بتكشفى عليهم وأوعى تشغلى فى عيادتك ممرضات منقبات (اسئل مجرب )

فيفا : كان نفسى يكون ليا أخت وتكون شقية زيك

بترا : لازم تفكرى يا هند تدخلى اعلام وأول خبطة صحفية ليكى تكون عنى

الحالمة : مش كل اللى بنحلم بيه بنحققه وأوعى تبطلى تحلمى

مينا : ما فيش فرق بينا المهم انك مصرى

زهرة البنفسج : أطيب حد شفته فى حياتى

أية على : انسى توم كروز شوية (ههههه) واكتبى على طول بخط النسخ زى ما عودتينا

مروج البحر : أكتر حد وجعنى بس أنا مسامح

الاسطورة _ الاهلى _ فوق الجميع : أنا زملكاوى

فتى الازهر : لازم تطمنى عليك لما النتيجة تظهر وربنا يكرمك

بوجى : مش كل اللى بنفتكره صح بيكون صح احيانا بنكون غلطانين

ميدو : بتعجبنى طريقتك فى التفكير

مى : لو الهندسة راحت فكرى فى حاسبات ومعلومات ومش تقلقى التنسيق حينزل

الوردة الحمراء : ما فيش حاجة اسمها فشل تجارب وبنعيشها ولازم يكون ليكى هدف جديد

حنان : يا خسارة مش حعرف أشوف تانى الصور الروعة اللى أمتعتينا بيها

ريهام : انا مش حرامى

عمرو : لازم تلغى التعصب من حياتك

كركر كوكو : أخير لقيت حد زملكاوى زى

أحمد رضا : شعرك جميل بس لازم يكون لك انتماء

زيزو : ظلمتنى كتير

أكيد أنا نسيت حد أحسن الذكراة خلاص
بجد حتوحشوووووووووونى أوى
أشوفكم على خير

العندليب الحزين