مش عارفة اعمل ايه في المذاكرة؟؟؟

[شهد اليوسف]

السلام عليكم
انا عاوزة حد يقولي اعمل ايه انا في تانية ثانوي وعلمي علمي ها يعني لازم مجموع وانا دخلت علمي لاني قولت اني ممكن اتغير لما الاقي بنات جنبي شطار ومجموعهم كويس بس للاسف انا مش قااااادرة اتغير نهائي لاني متعودتش علي المذاكرة من صغري ولحد دلوقتي مش بعرف اذاكر وبالكتير اوي بذاكر حصة في اليوم وببقي عاملة نفسي عملت انجاز ههههههههههه مفيش اتنين في الدنيا عملوه ماعلينا لحد دلوقتي وانا في علمي بنجح بمجموع مش كويس يعني مثلا بروح الامتحانات من غير مابقي مخلصة المادة ودا طبيعي بتاعي جبن الترم الاول 99 ونص من 112 وطلعت رقم 6 علي المدرسة والاولي جابت 104 ونص بس كله دا علي مذاكرة خفيفة خالص ومفيش حد مصدق اني جبت دا علي الاهمال اللي انا فيه والمدرسين بيقولولي امال لو ذاكرتي هتعملي ايه ؟؟؟؟ انا دلوقتي اعمل ايه مفيش تحويل وانا لازم اجيب مجموع كويس ولازم ادخل صيدلة بالزوء او بالعافية اهو كدا وخلاص علشان نفسي بجد افرح بابا وماما وخصوصا انا الكبيرة يعني الكوين او البرنسيسة بتاعت الاسرة فلازم اكون قدوة لاخواتي بس وانا دلوقتي ايه االعمل عاااااااااااااااااوزة اذاكر ممكن مساعدة وحد يقولي ومشكلتي انا تلميت علي شلة بسم الله ماشاء الله كلنا ضحك وتهريج وعايشين وخلاص يعني من كله ومالي غيرك يا الله ايه الحل اطلع من المدرسة ومش اكمل دراسة يعني اقعد في البيت والا في امل اني اتغير ؟؟؟؟ واذاكر علي المجموع الزبالة دا وقريت مواضيع كتير واستفيد لمدة 5 دقايق بعدين وكاني قريت حاجة ربنا يسترها عليا قولولي ايه الحل وادعولي ربنا يهديني وباذن اللله ربنا يهدي الجميع