تعليقات بالصور

أ/محمد ابراهيم · #11 13-03-2013, 09:29 AM

تم اغلاق صفحه " احنا كمان بنهزر يا ساويرس " بعد نشرها الاستيتس دى بساعه

(1)
طيب ازاي موظفين الضرائب ساكتين وماخدوش بالهم خالص ولا حد بيتكلم ؟!!

منا مقولتلكش ان نظام مبارك عمل للحيتان الكبار اللي بيتعاملوا في المليارات .. عملهم مركز لوحده لتجميع الضرايب بتاعته عشان يعرف يظبط لهم الدنيا والمركز اسمه "مركز كبار الممولين" .. يعني ماكنتش مصلحة الضرائب نفسها هي اللي بتقرب ناحيتهم لأن المأمورية اللي في المركز ده هي اللي بتفحص وبتراقب كبار رجال الأعمال.

(2)
فيه حد ممكن يسأل .. اومال فيين "هيئة سوق المال" اللي المفروض كانت "بتراقب" على الشركات وتداولها في البورصة؟ ولها الصلاحيات في وقف تداول أي شركة عايزاها أكنها الحَكم في اللعب.. ازاي ساويرس يعدي منها وقتها؟

نسيت اقولك وقتها كان رئيس هيئة سوق المال هو "هاني سري الدين" اللي هو بالصدفه كدا "عضو المكتب السياسي لحزب المصريين الأحرار" بتاع ساويرس .. و "هاني سري الدين" هو اللي بيتفاوض مع الضرايب دلوقتي لصالح ساويرس.

ييييه نسيت اقول كمان .. "هاني سري الدين" يبأه ابن أمال عثمان وزيرة الشئون الاجتماعية السابقه وعضو الحزب الوطني المنحل.