قرارات ثوريه قادمه ستزلزل الفساد

[مستر محمد علام]

القرارات الثورية اللي بتتكلم عليها حضرتك هل كان من ضمنها جلب الشيعة لمصر برغم تحذيرات كبار المشايخ والعلماء من هذا الخطر وبدء ظهورهم في كل مكان علانية دلوقتي حتي في بلدي فوجئت بيهم. والتصريح فين ؟ اسوان والاقصر ليه ؟ السبب معروف. وبيحاولوا يبرروا هذا الكلام بالفلوس اللي هناخدها من السياحة الايرانية ( الدينية ) في مصر اظن دا اسمه شراء الحياة الدنيا بالاخرة ولا ايه. هابيع ديني واضحي ان من الممكن ان واحد يتشيع عشان الفلوس . اما المبررات التي ساقها من يحبون الاخوان امامي انا شخصيا لامتداح هذه الخطوة العظيمة كانت كالتالي
وسيلة ضغط علي الدول العربية لاسترداد حقوق مصر ..... علي اساس ان الدول دي كافرة. لو حضرتك تحركت وعملت علاقات مع الدول دي ايه المشكلة. اه الدول دي ممكن بتكرهنا بس دي حضرتك علاقات دولية واظن المنح اللي جايالك من هناك خير دليل علي ذلك
اما المبرر الثاني والمضحك صراحة ان ايران حليف قوي امام امريكا واسرائيل . علي اساس انهم اعداء اصلا. سؤال امريكا ازاي مستوطنة في العراق واحتلتها ( خد بالك دي جنب ايران للي ما يعرفش ) ومش عايز اقوللك حكومة العراق حاليا من الذي بارك عليها .. ببركة ايران وجبن العرب اجمعين خسرنا واحدة من اقوي دول المنطقة .
من اسس الفكر الشيعي اصلا ؟ انتم ازهرية وعارفين الرد . العقيدة الشيعية ليس بها فرض للجهاد . الجهاد عندهم قائم علي اهل السنة فقط علشان كدا امريكا دخلت العراق بكل هدوء بدون خوف من البعبع والمارد الاسلامي المدمر ...ايران.... .ليه ؟ لانها لا يمكن ترفع السلاح ضد امريكا او اسرائيل نفسها انما ترفعه ضد مسلمي سوريا بارسال الجيش الثوري الايراني هناك وحزب الله في لبنان يا خرابي دول جنب اسرائيل.. عارف دا معناه ايه.. يعني المعركة والجيش جاهز ؟ ولكن بالرغم من كده اسرائل تقولك هانضرب ايران واحنا السذج نصدق ده . تعرف ليه ؟ علشان حضراتنا نكبر ونقول ان ايران دولة اسلامية مجاهدة وممكن الناس تقتنع بالفكر الشيعي بكل سهولة لاننا بنحب دينا وعروبتنا ومع ذلك الرئيس يجيبلنا ايران لحد عندنا مع انها العدو ودور يا اخي علي اصحاب الرايات السود وحربهم ضدنا . هل دا هو الاسلام ؟
احنا بنحب دينا قوي ولكن نكره اللي بيضحك علينا باسم الدين. احكم بالعدل الاول هاتلي رئيس وزراء بيفهم الاول هوا شغال ايه. انا من الصعيد والصعيد معملش ثورة تعرف ليه لانه طموحاته في الدنيا قليلة قوي بيت يستره ورزق يمنعه حاجة الناس .كنا وما زلنا مهملين تماما من بعد جمال عبد الناصر. دلوقتي عندنا قمة الاهمال في كل حاجة وكل اللي تكلمه يا عمي البلد بايظة جت عليا انا . كان نفسنا الرئيس اللي احنا نجحناه يقيم ميزان العدل ولكنه اقام ميزان العدل لجماعته عشان ظلم احنا مش طرف فيه .انا مؤيد اي رئيس يوقف البلد علي حيلها ويرجع مصر شديدة قوية بس للاسف الرئيس ده مش محمد مرسي ولا هيكون من جماعته تعرف ليه لانهم للاسف هايدمروا حلم ان مصر تكون دوله اسلامية فيها حكم اسلامي ( مش اخواني ) . انا دعائي الوحيد اللهم ولي من يصلح ومن يعدل واظن ده دعاء كل المصريين
دا رائي الشخصي في اللي شايفه ومش عارف دا راي كام واحد في البلد بس انا شايف حاليا انهم كتير بس محدش يقوللي انك بتكره الدين عشان بتبدي راي ضد الرئيس والاخوان لانها اتقالتلي شخصيا للاسف .... اللي ما يحبش مرسي ما يبقاش مسلم اصلا .يعني بالبلدي عقبال املتكم كده انا كافر . معذرة علي الاطالة . امضاء واحد طق من الشعب