اضحك كتير عليكم ..

[مروه]

أنا مختلفه جداااااااااااااااااا مع سياسة باسم يوسف

بيستخدم أسلوب قذر فى تحوير الكلام وقص ولزق الفيديوهات

لكن لو عرض الفيديو كامل والكلام اللى بيتقال بدون قصه

مش هيلاقى حاجه يتريق عليها ولا حاجه تضحك فى الكلام اللى بيتقال

ولو برنامجه فعلا برنامج ساخر ودى حرية رأى

يبقى مافيش حد فوق النقد والسخريه

لكن هو مركز مع التيار الإسلامى وبس

ودى الفكره اللى قايم عليها البرنامج أساسا

هو تشويه التيار الإسلامى أو على الأقل دى الفكره اللى وصلتنى

مش معقول محدش بيغلط فى مصر غير التيار الإسلامى

وماشاء الله دلوقتى شغال على الدول الداعمه لمصر وثورتها

يعنى اتريق على تركيا ومن قريب على قطر

واكيد بقية الدول فى الطريق


.............................

النقد البناء مطلوب والمعارضه الحقيقيه القويه هى من تجود سياسة الدوله

لكن السخريه من لحية الرئيس أو اللبس اللى بيلبسه فى تكريم معين

هى دى اللى تخلى الدول التانيه تضحك علينا

لإن احنا فعلا زى مابيتقال علينا
اخدنا الحريه بس من غير الكتالوج بتاعها

بس اللى مستغرباه فى الموضوع انه سعوديه هى اللى تقول الكلام ده

المفروض السعوديين اخر ناس يتكلموا فى حرية الرأى وثقافة التعبير عنه

لما كنت فى السعوديه السنه اللى فاتت كانوا بيخافوا ينطقوا اسم الملك بتاعهم اساسا