قنديل نفسه مش مقتنع بنفسه

[حميد بدوى]

أحلف على مصحف
ومن غير ما أحلف
وأحلف ليه
أن قنديل نفسه
مش مقتنع بنفسه
ومش عارف راسه من رجليه
وشيخ حارة مش رئاسة وزارة
كبيرة عليه

منه لله مرسى
هو اللى معجب فيه
وفى قصة حب طويلة عريضة
والكلام دا مش من عندى
دا باين فى عينه
دا ناقص شوية ويطلب أيديه
أنا مش عارف هو فرحان بيه كدا ليه ؟
أنا واحد من الناس نفسى
أعرف هو فيه أية
دا كأنه ضيف شرف وكأنه ليه ؟
دا أحنا ظلمنا عصام شرف
والله العظيم حاجة قرف
أنا عايز أعرف هو وحكومته بيعملوا أية ؟؟

أنا مش ضد الحب اللى بينكم
ربنا يسامحكم
بس نفسى أعرف
ذنب البلد أية ؟؟؟؟؟
البلد بقت فيها منكم
وملامحها من ملامحكم
ياريت حد يفهمنا ويقولنا
أصل الحكاية اية

لو كنا ظلمنا مبارك
أحنا على أستعداد
نرحوا نبوسوا أيديه
لو كنا ظلمنا نفسنا
يبقى الله يرحمنا كلنا
بس حد يكلمنا ويفهنا ويقولنا
أية اللى بيحصل فينا وبيحصل ليه ؟؟؟؟؟؟
هى البلد دى بلدنا
ولا حكايتها معانا أية ؟؟

الشاعر
عبد الحميد بدوى