حصريا .. شاهد حلقات برنامج أزاى تجيب مجموع فى الثانوية العامة 2013م هنا

[ahmed mohmoed ahmed]

المشاركة الأصلية كتبت بواسطة ahmed mohmoed ahmed

السلام عليكم ورحمة الله وبركاته ....
أهلا بكم أعزائى طلبة وطلبات الثانوية العامة وحلقة جديدة من برنامجنا أزاى تجيب مجموع فى الثانوية العامة 2013م ..
طبعا ... مكنش فيه حلقة امس ... علشان شم النسيم .. وفيه ناس بتخرج والكل مشغول بس دلوقتى هنكمل برنامجنا فى خلال هذا الشهر وسيتم تغيير المواعيد ......

الحلقة التاسعة : الأحياء "للثانوية العامة"

مادة الأحياء سهلة وبسيطة ... هى بس محتاجة فهم وتركيز عالى جدا ومذاكرة وحفظ أول بأول .... يعنى تمسك كل كلمة موجودة فى الكتاب وتحفظها .... وكمان الامتحان بيجى مليان .. بس بيعتمد على فهمك للمنهج ...
أحنا طبعا شوفنا امتحان السودان فى الاحياء لعام 2013م .. فى ناس بتقول صعب وفى بصراحة ناس بتقول سهل والاسئلة كلها من النماذج والوزارة .... على حسب .... وفى ناس متفوقة وبتجيب خمسينات فى هذه المادة .. لانى الامتحان اصلا جاى علشان يتحل ويتقفل ... وبعدين انت طالب داخل علمى علوم يعنى ناوى على كلية طب ... يعنى لازم تشد حيلك الفترة الى جاية علشان التنسيق هينزل يعنى الموقف حرج جدا ... لازم نشد حيلنا ...

أولا : نظام امتحان الأحياء :
نظام امتحان الأحياء هو نفس نظام امتحان الكيمياء والفيزياء والجيولوجيا ..... يعنى ستة أسئلة تختار منهم خمسة أسئلة فقط ... وكل سؤال عليه عشر درجات ...
ثانيا : أزاى تذاكر المنهج .....
طبعا انت اكيد معاك ملازم شرح من المدرس بتاعك بس انصحك تذاكر من كتاب الوزارة لأنى للأسف الامتحان بيجى منه مش عارف ليه وأديك شايف امتحان مصر 2012م وكان شكله عامل أزاى .. فيه ناس كثيرة أشتكت منه .. وبصراحة فى ناس جابت خمسين ....
يعنى ركز على كتاب الوزارة فى هذه الايام .... وذاكر براحة وبهدوء وانت بتقرا الموضوع من الكتاب ... يعنى بلاش الصوت العالى جدا .. خلى صوتك هادى وبراحة وانت بتحفظ علشان متتعبش وكمان هتعرق وهتدوخ علشان طبعا الجو السنة دى شديد الحرارة انا اصلا مش عارف هنعمل ايه فى الامتحانات .. ربنا يرحمنا برحمته ...
وكمان مفاجئة ... امتحان الاحياء .. يوم السبت 22 – 6 – 2013م الساعة الحادية عشر ونصف بعد امتحان الميكانيكا مباشرا يعنى فى عز الحر .... وطبعا احنا بنروح اللجنة بنلاقى المراوح خربانة ... ومفيش شبابيك ... وحتى لو فيه مروحة بتعمل صداع .... يعنى لابسين لابسين ...... احنا نعمل الى علينا والباقى على الله سبحانه وتعالى ....
ثالثا : اى امتحان هتروح تمتحنه لازم تركز فى كل كلمة مكتوبة فى ورقة الاسئلة .... يعنى ابوس ايدك .. باله عليك تقرا ورقة الاسئلة كويس وتركز على رأس السؤال ... وتشوف مطلوب منك ايه .. يعنى مطلوب اذكر – اختر – علل – ما النتائج – وهكذا ... تركز ... علشان ياما ناس كانت متفوقة ووقعت لانها مشمعتش كلام المدرسين ..... واتسرعت ... بلاش نتسرع فى الاجابة ...

ودلوقتى انتهت حلقتنا .. انتظرونى فى الحلقة القادمة ومهمة جدا لانها هتكزن فى مادتى : الفلسفة والمنطق – علم النفس والاجتماع .... انتظرونى غدا يوم الاربعاء الموافق 8 – 5 – 2013م .... كان معكم أحمد محمود أحمد محمود .. انتظرونى ...

السلام عليكم ورحمة الله وبركاته .... أهلا بكم أعزائى طلبة وطلبات الثانوية العامة وحلقة جديدة من برنامجنا أزاى تجيب مجموع فى الثانوية العامة 2013م ....
أحنا طبعا غيرنا المواعيد وخلينا البرنامج كل يوم علشان نلحق نخلص الحلقات بأكملها قبل نصف الشهر .....
وانشاء الله سيتم عمل برنامج جديد بعنوان "حلم أم علم" سيتم الأعلان عنه فى أخر هذا الشهر .... معكم أحمد محمود أحمد محمود ...

الحلقة العاشرة : مادتى "الفلسفة والمنطق" و "علم النفس والاجتماع" للثانوية العامة

أولا : الفلسفة والمنطق
الفلسفة هتيجى صعبة مووت .... يعنى محدث هيجيب اكثر من 30 بس تذاكر كل كلمة مكتوبة فى الكتاب بالورقة والقلم .....
معاد امتحان الفلسفة والمنطق .. يوم الاربعاء 19 – 6 – 2013م
نظام امتحان الفلسفة والمنطق :
أولا : الفلسفة : سؤال به أربع نقط اجبارى .... سؤال به اربع نقط تختار ثلاثة منهم فقط .... أربع جمل اختر من متعدد مع التعليل يكتفى بثلاثة فقط ...... وعليهم خمسة وعشرون درجة ...
ثانيا المنطق : نفس نظام امتحان الفلسفة .... وعليه خمسة وعشرون درجة ..
يعنى المجموع كله خمسين درجة ....
أزاى تذاكر الفلسفة والمنطق .... تتذاكر من كتاب الوزارة بالورقة والقلم وتركز على كل كلمة مكتوبة لانى الامتحان بيجى لافف فلازم تكون حافظ كل كلمة بالملى علشان تجيب الخمسين .... وطبعا امسك امتحانات وحل وطبعا اثناء الحل هتلاقى سؤال حدد الصواب والخطأ الى اتلغى من عليكم السنة دى بس عندك سؤال اختر اسهل بكثير لانك حافظ وفاهم المنهج هتعرف انشاء الله هتختار صح وبعدين هتكتب التعليل وبالنسبة لسؤال حدد الصواب والخطا ذاكره برده وحله كتذكير وتدريب لك ... لانه ممكن يقولك فى اى سؤال من الاسئلة .. هل تؤيد ولماذا ... فده معتمد عليه ...

ثانيا : علم النفس والاجتماع
هذه المادة بسيطة وسهلة جدا بس تاخذ بالك من علم الاجتماع هو الى محتاج مذاكرة وحفظ واول باول وخاصة طلبة علمى الرياضة او علمى العلوم .. معاد امتحان علم النفس والاجتماع هيكون يوم الثلاثاء 25 – 6 – 2013م ...
نظام امتحان علم النفس والاجتماع : أولا : علم النفس .... ثانيا : علم الاجتماع ...
وهو نفس نظام امتحان الفلسفة والمنطق وكل فرع عليه خمسة وعشرون درجة .. يعنى المجموع كله خمسين ...
هذه المادة جاية علشان تتقفل والكلام ده بقوله لطلبة العلمى .. الى عايزين يدخلوا طب أو هندسة فلازم يجيبوا خمسين وبعدين يركزوا فى الفيزياء والأحياء والرياضيات .. لأنى امتحان علم النفس والاجتماع مفيش قدامه ايام انت يدوبك هتخلص امتحان التربية الوطنية هتروح ثانى يوم هتمتحن علم نفس وطبعا يوم الاربعاء هيبقى عندك مستوى رفيع وبعد كده جبر وفراغية يوم الخميس يعنى مفيش مفر .... انت تذاكر من دلوقتى ......

ودلوقتى انتهت حلقتنا .. انتظرونى فى الحلقة القادمة مع مادة الكيمياء للثانوية العامة .... انتظرونى يوم الخميس الموافق 9 – 5 – 2013م .... والى اللقاء ...