قالو النهضه إراده شعب

[تامر الطويل]

مهما عملت او مهما تقول الاخوان وقفين فى الزور
الاخوان ماشين فى طريق بينا وبينهم ألفين سور
مشيو معانه بحور الظلم ولما وصلنا قطعولنا النور
حرمو عيلنا من الحريه واللى إتكلم راح فى قبور
لعبو علينا بإسم الدين قالو هنسمع للمسكين
قالو النهضه إراده شعب وضربو بناتنا بإسم الدين
قالو يامسلم إحمد ربك وأشكر إننا بيك قبلين
شعب جميل وهنلعب بيه ونشكله بإدينا عجين
قالو القرض الدولى حلال بس فى عهد اميرنا الزين
هو الحاكم فينا بأمرة إللى معاه هتعود حطين
إخرس يابنى إنت وهو وأقبل وإركع للإخوان
بوس فى إديهم طاطى الروس وإفهم بقه دول لينا قعدين
بس نصيحه لو كرهنهم اعملو ثورة وشيلو الطين
شيلو الظلم وعدو طريق الحريه للملاين
إوعو منافق ليهم يجى ويفهمكو إنكو خارجين
هو العبد العابد ليهم إنما إحنا مش عابدين

امير الجروح