كادر المعلمين الاكذوبة

[محمود أبويوسف]

يا باشا ده كادر الصحة .....إنت صحة؟
دول باشاوات مرتب حكومي بالآلاف + دخل العيادة الخاصة أضعاف مضاعفة
انت إيه بقي؟ معلم .....إيه يعني ..... بتعمل إيه؟
بتعلم العيال الصغيّرة؟ مش عاوزين
احنا عاوزين أجيال متخلفة مابتعرفش تفكر ولا تفهم
عشان دول هم اللي نعرف نسوقهم ونقول لهم شمال يبقي شمال ويمين يبقي يمين


إنت تايه يا عم الحاج؟ احنا المعلمين في قاع قاع المجتمع
لما الممرضة بالدبلوم 3 سنين بعد الإعدادية تقبض 1470 جنيه
واختها اللي بمعهد سنتين بعد الدبلوم 1850 جنيه .... وأنا علي سبيل المثال
معلم أول شغال بقالي 10 سنين ومؤهل جامعي 4 سنين كلية التربية وبقبض
895 جنيه الشهر ده بس بعد ماكان في الأصل 874 جنيه .....
تقول لي بعد كل ده المعلم له قيمة ..... اوعي أي حد يقول احنا أصحاب رسالة
والكلام الفاضي ده عشان الهتيفة اللي بيرددوا الكلام ده م الآخر كده
خرفـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــان