الغش الجماعي والمستقبل المر

[محمدشومان]

اثناء امتحانات الشهادة الاعدادية بكفر الشيخ وما رايناه من تعدد اساليب الغش الجماعية لدرجة ان كل طالب يكون معه ورقة اسئلة وورقة بها اجابات للاسئلة مصورة

واولياء الامور يقفون على شبابيك اللجان وهم يرسمون بذلك مستقبل ابنائهم فلزات اكبادهم بالغش والتدليس وكسب حق غير مشروع

هكذا نربي ابناءنا على الغش والخداع والبلاهه وعدم احترام النفس
والغريب ان الاب يكون فى منتهي السعاده وهو يشاهد ابنه ينقل مجهودات غيره ويذهب الي البيت وكانه فاتح عكا ويقول انا عملت اللى عليه والباقي علي ربنا

بالله عليك الواد هيفتح كتاب والا هيزاكر والا هينفع اصلا
صدقني الواد اول حاجه هيعملها انه مش هيحترم ابوه لانه هو اللى علمه الغش والكدب والضلال

المهم تقعد الاسرة تنتظر النتيجة وتحتسب هذا الغشاش الصغير من اوائل المدرسة طمعا فى اللاب توب

ولكن الحسرة كل الحسرة لكل افراد الاسرة عند ظهور النتيجة

بعد الغش ده كله والواد ناجح بالعافيه 160/150/170/180 درجه بعد الغش ده كله

الغلط عند مين عند الطالب / عند ولي الامر/ عند رئيس اللجنه /عند المدرس اللى حل الامتحان / عند الملاحظ اللى فى اللجنة / عند المراقب / والا عند المدرسة الاصلية ومدرسينها / والا عند الوزارة /

بعد الغش الجماعي للاسف النتيجة فى اعدادية كفر الشيخ 62 %