عايز مصحح يخش يطمنى لأننى على آخري

[ehabelsapa]

اترجاكم تهتموا ومش عايز حد يجاملنى..
قولى بس هنقص قد إيه بالظبط عشان أظبت نفسى من دلوقتى..
وبدون مجاملة ارجوكم..

بالنسبة للسؤال دا
أ‌- الفلسفة علم المبادئ الاولي لكل ظواهر الوجود . دلل بالأمثلة ؟

انا كاتبت من أول الفلسفة هى علم العلوم لانها تهتم بالمشكلات الكبري التى تنصب على الوجود ككل .................................................. .... (إلى أخره ) وبعد الرغي الكتير كتبتله الاجابة دى:
الفلسـفة هي ( علم المبادئ الأولى لكل ظواهر الوجود ) إن الطبيعة العقلية التأملية للفيلسوف تجعله لا يقتنع بقبول المبادئ القريبة أو العلل المباشرة في تفسيره لمختلف ظواهر الوجود لأنها تحتاج في دراستها إلى الحواس والمنهج التجريبي وهى كلها أمور مستبعدة عند الفيلسوف الذي يستخدم التأمل العقلي مستهدفاً إدراك المبادئ الأولى والعلل البعيدة والتي هي بطبيعتها عقلية مجردة .
فالفيلسوف لا يقف عند السبب المباشر لنمو النبات وهو الهواء والماء كما يفعل عالم النبات وإنما يريد أن يعرف سبب النمو عامة لكل الكائنات الحية

كدا انقص على عدم كتابة الاجابة النموذجية فى الاول وكتبتها فى الاخر ؟؟؟؟؟؟

وبالنسبة للسؤال دا
د- الاخلاق علم معياري عند الاجتماعيين الوضعيين . هل تؤيد هذه القضية ولماذا ؟

انا قولت لا أوافق وبعدين كتبت نقد مذهب الاجتماعيين الوضعيين وبعد الرغى الكتير كتبتله الاجابة اللى هو عاوزها دى :
الاخلاق عند الاجتماعيين الوضعيين علم وضعي تجريبي وليست علما معياريا
لقد كانت الأخلاق وحتى عصر المدرسة الاجتماعية تدخل في نطاق الدراسات الفلسفية باعتبارها علماً معيارياً يحدد للإنسان ما ينبغي أن يكون عليه سلوكه .
- ولكن المدرسة الاجتماعية قررت نقل الأخلاق من الفلسفة التأملية إلى علم الاجتماع الوضعي التجريبي لتهتم الأخلاق بما هو قائم فعلاً من ظواهر أخلاقية في المجتمع هي نتيجة طبيعية لاستخدام المنهج العلمي في دراسة الظواهر الأخلاقية .
- وهو تجريبي لأنه يعتمد علي التجربة ولكن ليست هنا التجربة المعملية وإنما هي التي تقوم على الملاحظة العلمية مثلها مثل الظواهر الاجتماعية

كدا انقص على اننى كتبتله النقد فى الاول وبعدين الاجابة اللى هو عاوزها بعد كدا ومكتبتلوش الاجابة اللى هو عاوزها فى الاول لأن السؤال مش عايز النقد ؟؟؟؟

وبالنسبة للسؤال دا
" الانسان حر ومسئول عن افعاله " قضيتين اساسيتين فى فلسفة "سارتر". حلل .

كتبتله سارتر كله من اول :
ان الإنسان بطبيعته حر وهو الذي يصنع هذه الحرية لأنه هو الذي يختار ماهيته الخاصة وصفاته المميزة له بنفسه دون إجبار لأن الإنسان وجد أولا حيث قذف به إلى العالم الخارجي ثم قام بعد ذلك باختيار ماهيته بإرادته لحرة .................(رغي كتير متعلق بللى بكتبه) - وبعدين كتبتله مادام الانسان حر ويختار ماهيته بحرية كاملة .............. (رغي كتير متعلق بللى بكتبه) وبعدين كتبته كمان القلق عند سارتر كله (رغي كتير)

كدا انقص ولا لأ ؟؟؟؟؟؟

وبالنسبة للسؤال دا
ب- الفيلسوف الذي قال "توجد حقائق يقينية اعلي من مستوانا البشري هو ...............
اخترت الغزالى وبعدين كتبتله كدا
(كان الغزالى اقرب الى اهل التصوف فى افعاله وحياته وفكره وعندما احس بمرارة المرض سارع الى الاعتكاف فى المسجد والزهد فى كل ماديات الحياة حتى وصل الى مرحلة عليا من الكشف ساعدته هذه المرحلة الى ان الله قذف فى قلبه النور الالهى ساعده على حدس الحقائق اليقينية --- إن النور الالهى الذي قذفه الله فى قلب الغزالى ساعده ان يري كل الحقائق اليقينية وقال : إن هناك امور لا يدركها الا من تصوف وجاهد بنفسه ليرتقى الى المستوى الروحاني العلوى وكان مستشهدا بحديث الرسول صلى الله عليه وسلم "إن لربكم فى أيام دهركم لنفحات ألا فتعرضوا لها" صدق رسول الله صلى الله عليه وسلم)

الاجابة دي صح ولا غلط ؟؟؟؟؟؟؟؟؟؟

وبالنسبة للسؤال :
هات قضية تفيد انفصال محمولها عن بعض موضوعها , ثم ضعها علي مربع التقابل مبيننا حكم ما يقابلها فى حالة صدقها...

انا عملت المربع وكتبت عليه القضايا كلها فى كل طرف من المربع -- كاذبة وصادقة لكل الحدود (كلية موجبة وكلية سالبة) و (جزئية موجبة و جزئية سالبة) والحكم كتبته مع كل واحدة منهم وكل دا داخل المربع وحواليه بس - لأننى كنت راسم المربع كبير -- وكل اللى انا كتبته على المربع وحواليه صح
هل الطريقة دى ممكن ينقصنى عليها ؟؟؟؟؟؟؟؟؟؟؟؟؟؟؟؟؟؟؟؟؟؟؟

وبالنسبة للسؤال دا:
ج- يعتبر الشكل الاول اهم واكمل اشكال القياس . ناقش ؟
انا كتبت الاجابة دي :
لأن ترتيب الحدود فى المقدمات هى نفس ترتيبها فى النتيجة
كمان أن المقدمة الكبرى تمثل قاعدة عامة والمقدمة الصغرى تمثل حالة خاصة وبتطبيق القاعدة العامة على القاعدة الخاصة نحصل على النتيجة
وبعدين كتبت استخدامات القياس كلها بالقياسات اللى فى الاستخدامات يعنى مفيش احسن من كدا رغي
لكننى مكتبتش الكلام دا : ينتج القضايا الحملية الاربع – ك م – ك س – ج م – ج س
هل كدا ممكن انقص ؟؟

وبالنسبة للسؤال دا :
برهن بقياس صحيح من الشكل الاول علي أن " معظم العلماء تقدرهم شعوبهم "
الاجابة
و ك ---- كل المخلصين تقدرهم شعوبهم ----- ك م --- مقدمة كبري
ص و ---- معظم العلماء مخلصين ------------ ج م --- مفدمة صغري
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
ص ك ---- معظم العلماء تقدرهم شعوبهم --------- ج م --- نتيجـــة

انا محططش الرموز دى ( ص ك - ص و - و ك - مقدمة كبري - مقدمة صغير - نتيجة )
الكلمات اللى فى الاقواس دي عليها درجات ولا إيه ؟؟؟؟؟؟؟؟
ولو عليها درجات انا مكنتش بكتبها - انقص قد ايه ؟؟؟؟؟
على العلم انا كاتب الرموز دى ( ك م - ج م - ج م )
وعملت بعد ما عملت القياس الكلام دا
اثبات القياس :
1- كلية المقدمة الكبري
2-ايجاب المقدمة الصغري
3-الحد الأوسط مستغرق
كدا أتقص قد إيه؟؟؟؟؟؟

بالنسبة للسؤال دا :
د- ميز بين كل من الاستدلال الرياضي والقياس من وجهة نظر ديكارت
انا عملت جدولين وعامل زى ما فى اجابة النموذج لكن مزود في الاستدلال حبتين
وأول كلمة كتبتها فى الجدول:
الاستدلال الرياضى غير مباشر ---- القياس غير مباشر
بس باقى الاجابات زي ما فى اجابة النموذج ومزود كمان
هل هنقص على الكلمتين اللى كتبتهم دول (الاستدلال الرياضى غير مباشر ---- القياس غير مباشر) ؟؟؟؟؟
****************************
وبعدين عملت اجابة أخري وكتبت كدا :
1-هناك نوع من الاستدلال يسمى الاستقراء الرياضي وهو الذي ننتقل فيه من الخاص الى العام مثل الانتقال من بعض الاعداد الاولية بأنها لا تقبل القسمة الا على نفسها وعلى الواحد الصحيح الى حكم عام يقرر بأن الاعداد الاولية لا تقبل القسمة الا على نفسها...
2-القياس عقيم مجدب لا يؤدي الى زيادة المعرفة
المقدمات تؤدي الى النتائج والنتائج تؤدي الى المقدمات
لا يؤدي الى تطور العلم فكان لا بد من تطويره او اضافة مناهج له لتتفادي عقمه
الاجابة الاخري دي صح ولا لأ ؟؟؟؟ ولو هي غلط فاللى عامل الاجابة دى بس ينقص قد إيه ؟

بالنسبة للسؤال دا :
ب- "بعض الاشياء التى ليس لها قيمة مادية جديرة بأن تحب " فضية ........
انا اخترتها ج.م
لكن التعليل كان كدا : لأن اللفظ " ليس " هى جزء من الموضوع " الاشياء " فهى تصفه وبالتالى لا تفصل القضية مثل قولنا بعض الاجهزة لاسلكية فـ " لا " هى جزء من كلمة لاسلكية..
التعليل دا صح ولا إيه ؟؟؟؟؟؟؟؟؟؟ ولو غلط - المصحح ينقصنى عليه كام ؟

وبالنسبة للسؤال دا :
د- من مجموعة العلوم الصورية ..............
جاوبتها رياضيات
وكانت التعليل كدا : لأن العلوم الصورية هى العلوم التى تبدأ من مقدمات مسلم بصحتها للوصول الى نتائج تلزم عنها كما فى الرياضيات والمنطق
التعليل دا صح ولا إيه ؟؟ ولو غلط -- انقص فيه قد ايه ؟؟

اترجاكم تهتموا ومش عايز حد يجاملنى..
قولى بس هنقص قد إيه بالظبط عشان أظبت نفسى من دلوقتى..
وبدون مجاملة ارجوكم..