نصيحة

طالبه مجتهده جدا · #8 30-06-2013, 06:32 PM

ع فكره الفيزيا دي ماده ممتعه جدا وانا عن نفسي كنت بحبها اوي (انا خلصت 3 الحمد لله)
بس اوعي تدخل الدراسه وانت واخد عنها فكره وحشه وانها ماده صعبه ومبتتحلش ومحدش بيقفل فيها والكلام ده لانك هتتاثر وهتشوفها فعلا صعبه
وبصراحه هي ماده لذيذه جدا بس اهم حاجه تاخد عند مستر بتفهم منه جداااااااااااااااااا لان اهم حاجه الفهم حتي النظري مش هتقدر تحفظه الا اذا فهمته كويس
ولازم يكون المستر بيطبق في الحصه ع المسائل وتروح تزاكر الدرس من الورق بس ياريت يكون في نفس اليوم عشان يكون الشرح لسه في دماغك وتجيب كتاب الامتحان تحل ع الدرس
انا في الشرح كنت بحل كتاب الامتحان بس يعني مكنش في وقت بس لو قدرت تجيب كتاب تاني تبص فيه ع الحاجات الجديده يكون شئ جميل
وفي المراجعه كنت بحل كتاب الامتحان والمثالي فيه مسائل حلوه جدا وبس
واول باول تراجع الواجبات والحاجات اللي اخطات فيها في امتحانات الدرس اوكده عشان تثبت في دماغك
والايام اللي بتبقي قبل الامتحان دي انصحك خليها ليك انت وبلاش دروس واقعد اقري المنهج كله كده بتركيز ولازم يكون من ورق الشرح اللي كنت بتزاكر منه طول السنه مش ورق جديد
وبس
وربنا يكرمك كده بالدرجه النهائيه في الفيزيا
ولو افدت حضرتك ياريت دعوه حلوه كده للنتيجه باذن الله