صورة و معاني كل يوم صور جديدة

[mfa1]

نصــــائح منــــزليه :



1 . لو بتسني السكاكين في البيت .. قبل ما تسني السكاكين انقعيها خمس دقايق في ماية سخنه او مغليه يعني .. و بعدين نشفيها و سني السكاكين . هتتسن معاكي بسهولة و في وقت اقل من المعتاد


2 . لو عاوزة تتخلصى من ريحة البصل و التوم في ايدك بعد الطبخ .. هتدعكي ايدك بالبن المطحون كويس جدا و بعدين تشطفيها و تجيبي نص لمونه كانت حتى باقيه عندك بعد ما عصرتيها و ادعكي بيها ايدك تاني . و اشطفى ايدك مش هتلاقي اي اثر للريحة

3 . لو عاوزة ريحة مطبخك تبقي دايما جميلة .. لما تيجي تمسحي المطبخ حطي في ماية المسح شوية كولونيا صغيرين .. و الكولونيا تعادل المطهرات العادية الي بنستعملها لكن الميزة ان وقت التعطير بيعيش اطول

4 . عشان تحافظى على عمر و برودة التلاجة .. حاولى كل 10 او 15 يوم . تشيلي الفيشة عشر دقايق بس و بعدين رجعيها تاني .. هتفرق كتير في درجة البرودة


5 . لو بتستعملى صلصة معلبة او مشروم معلب .. او اي حاجة معلبة هتستعملى منها جزء و تركني الباقي .. لازم قبل ما تركنيها ترشي عالوش زيت عشان تحميها من التعفن


6 . لو اي ملابس عندك جه عليها بقعه حبر .. الحقيها و البقعة جديدة كده بعصير لمون او نقطعة خل او نقطة زيت ذرة و ادعكيها كويس اوي و بعدين حطيها في الغسالة مع اي غسيل تاني عندك و خليها تتغسل في نفس اليوم . هتلاقي البقعة راحت خالص

7 . عشان تخلى اللمونة تديكي كل العصير الي جواها خصوصا لو ناشفة .. هتاخدي اللمونة و تحطيها في كوباية فيها ماية دافية او سخنه بس مش اوي يعني دقيقتين تلاتة بس .. و بعدين على الرخامة كده و اضغطي عليها ضغط خفيف .. . وبعدين اقطعيها واعصريها .. هتلاقيها نزلت العصير بمنتهي السهولة

8 . لو لقيتي في الملابس ايا كان نوعها لبان لازق فيها .. متحاوليش تشديها او تفركيها .. روحي هاتي مكعب تلح و حطيه عليها لحد ما تتاكدي انها اتجمدت تماما .. و ساعتها شيليها بالراحة و هي متجمدة كده . هتخرج بسهولة معاكي ان شاء الله