احساس بالندم ممكن الافاده

[C A N D Y]

و انا نفس المشكلة خاصة من اول شهر تلاتة و كنت كل يوم انام و اصحى و انا حاسة بالذنب ..الدروس مبوظة مواعيد الصلاة و مش فى وقت اقرأ قران- مع انى من و انا 7 سنين مفوتش فرض و كنت حريصة جدا على الصوم و قراءة القران و حفظه و على استذكار الله دايما- بس انا كنت ناوية اقرأ جزء قران كل يوم يعنى تقريبا 4 صفح بعد كل صلاة و الحمد لله من اول الاجازة و انا ملتزمة بكدة ..يعنى دول يومين بس و ان شاء الله هكمل و السنة اللى جاية اكيد مش هخلى المذاكرة او اى حاجة فى الدنيا تخلينى اقصر فى حق ربنا

و يا ريت لو مش صليتى مثلا 3 صلوات و لقيتى نفسك قدام الصلاة الرابعة تصليها..مش تقولى (هى جت على دى)
و فى حاجات كتيير ممكن تعمليها و تعوض اللى فات زى الحاجات الى قالها Charismatic دا حتى كلمة خير صغيرة لو اثرت فى واحدة او خليتها اكتر ايمانا بالله او تواظب على الصلاة ممكن تجيبلك حسنات كتييير من غير ما تأخذى بالك

و زى ما قالت شموخ

اثبتى لنفسك انك اقوى من الشيطان

خدى الامر على انه تحدى مع اكتر حد بيكرهك و عايز يطلعك من رحمة الله و اعرفى انها حرب و انك لازم تكسبيها

و حاولى انتى تفرضى عقوبات صغيرة على نفسك عشان تفكرك بعذاب الاخرة .. يعنى مثلا لو مصليتيش العصر و كنتى ناوية تخرجى بالليل متخرجيش عشان بعد كدة تيجى على نفسك و تصلى انا عارفة ان دى طريقة تضحك بس بجد بتنفع معايا

و اهم حاجة انك ما تحسيش انك مجبرة على الصلاة او قراءة القران ..اعرفى انهم نوع من الحمد لله الذى وهبك الكثير و اعرفى انهم طريقك للجنة

يا ريت اكون افدتك بحاجة
فى امان الله