(ليله فرح)قد تكون بدائية ولكن تتكرر كل يوم بشكل اكثر تحضرا !!

[مريم السباعى.]

ليله فرح
مغنا و زيطة
و بنوتة صغيرة برنيطة
لابسة فستنها الجميل
وربطة ضفيرها بفوينكة بيضا
حاسة جوها
بفرحة ولهفة
وحبة خوف
وتهز فى جلابيه اخوها
وتنزن لجل ميشلها تشوف
والبنت ببسمتها تبص
وتسرح
وتمر ساعات الوقت
ترمح
والبنت الصغيرة تكبر
وعيونها البريئة
تتحول كاحيلة
تِفرح
حتى حلمها ليلتها
يظل اسير مخدتها
ونظرة الفرحة فسعتها
مرحتش يوم عن بالها
ظل عايش جوا عينها
ظلت كلمة بحبك
من الى حيكون يوم حبيبها
احلى كلمة
احلى اغنية ونغمة
وفى يوم من الايام
لمحها جارها عياد
الى كان سافر وعاد
شفها واقفة
وسط زرعتها
ونظرة الذئب الى فى
مسبتهاش فى حالها
ومن اول مشافها
ظل عنيه تراقبها
والبنت صغيرة وغشيمة
تعمل ايه المسكينة
احلامها كلها فيلم صامت
ويوم متكلمت بصوت
كانت اجبتها
سكوووووووووت
خافت
ظل كلمة الحب جوها اسيرة
بتخاف تفكر حتى فيها
لا تكون جواه روحها لعينة
والذئب ذكى وعنيد
مرة بنظرة حنينة
ومرة بكلمة قريبة
ومرة بقا اسمه عندها
حبيب !!
وكل حاجة بتنسدل زى خيط العقد
طول ما الضعف ساكن عينها
والجهل بيتفرض فرض
وتقوم البنت من كابوسها تصرخ بصووووووووووووووت
بعد ما الذئب هرب
والشاه اندبحت بلاش
مفهاااااااش خلاص سكوت
مدام الشرف انداس
جزئها هو الموت
دة شئ عندهم معروف
لكن سؤالى هو
ليه مب***وش؟
الى خلا الحب الخوف
الى جَوبها لما سالت الحب ايه؟
قالها الحب عيب
اختشى فين الكسوف؟!!
ليه مب***وش الجهل فى عيون الصبايا؟
ليه منمنعش الجريمة من البدايه؟
ليه نظرتنا لعياد
مش زى نظرتها اليها
ولا هو يبقى راجل وهى قليله ربايه ؟
اسئلة حتظل موجودة ليوم الدين
لحد متكبر بنات غيرها
يكونوا فاهمين
وميقلوش يارتنيا مشفنا
ولا فى احلام لينا عشنا
ولا اتمنينا
ياريتنى هربت من الزفة ومن الزيطة
ياريتنى فضلت بنت صغيرة
ببرنيطة !!
بقلم اشرقت الشمس