أسئلة الاعضاء و طلباتهم

[To Be Is To Do]

المشاركة الأصلية كتبت بواسطة the king11

شكرا لردك و تشجيعك يا بشمهندس و يا رب نشوفك من احسن مهندسين الميكانيكا فى العالم كلة ان شاء الله بس فية ناس محبطة جدا بيقولوا مش هتعرف تحدد قسمك فى اعدادى لازم يبقى عندك خلفية عن الاقسام الاول

تمام يا بشمهندس كلام مُحترم جداً وعلى سبيل المثال كده
__________________________________________
ماده الحاسبات ( ماده بتدرسها فى اعدادى ) دى اكيد تخص الكومبيوتر والبرمجه دلوقتى انا دخلت ودرست وحبيتها جداً هبدأ اسأل ناس من قسم كمبيوتر ( بتدرسوا إيه .. ايه طبيعه الشغل .. وهكذا .. ) بتبدأ تجمع معلومات عن القسم _ بعد ما تكون مبدأياً حبيت الماده بتاعته _ وتكون انت اصلاا حابب مجال الكومبيوتر وكويس فيه

حاجه تانيه فيه أقسام ( مثلاً ) إنتاج & كيميا لو انت حابب ماده الانتاج وحبيت طبيعه المنهج اللى بتدرسه تفكيرك تلقائياً هيروح لقسم الإنتاج وكذلك الكيميا ساعتها هتبدأ تسأل عشان تعرف بيبقى طبيعى إنت عندك إستعداد للقسم حوالى 70% يتبقى 30% بتجمعهم من خلال معلومات عن القسم ذات نفسه

عندك برده لو انا عايز ادخل كهربا يبقى لازم اكون حابب رياضه كويس جداً حابب شغل الدواير الكهربيه لانها حتتفرم دواير مُعقده فى القسم يستحيل تدخله من غير ما تكون حابب الأساسيات الـِ بتأهلك للقسم
وهكذا لباقى الأقسام يعنى

فيه ناس بتبقى حايه مجالات زى الميكانيكا والكهربا ومحتاره ساعتها الفيصل هو انها بتسأل على مواد القسمين خلال السنين بتاعته تبدأ تقرا عنهم على النت طبيعه شغل ده وده لغايه ما تحدد هى مياله لإيه أكتر

نصيحه سريعه كده : زاكر مزاكره إنك عايز تدخل اعلى قسم عشان لما تعوز تدخله تقدر تدخله ولما تعوز تدخل الاقل منه يبقى برده مخسرتش _ خليك إنت الـِ تختار القسم ,, مش القسم الـِ يختارك _

إيه رأيك فـ شويه الرغى ده