ملتقى طلاب الصف الثالث الثانوى (علمى علوم) 2014

[sayed badr]

المشاركة الأصلية كتبت بواسطة lally adel

لا فكرة الدرسين دى صعبة اوووى .. انتو اصلا عندكو 7 مواد تقوم تاخد ف ماده واحدة درسين !!!! .. لا طبعاااا استحالة
بص بقى ... اولا حاول تحسم امرك بسرعه عشان ماتوصلش لمرحلة ماتبقاش عارف تروح لحد تانى و تضطر تكمل معاه ..
اسال نفسك كام سؤال كدة و حدد على اساسهم انت مرتاح مع المدرس ده و هو كويس و لا لا ..
اولا .. انت بتفهم منه و بتستوعب و لا لا ؟؟ .. و دة هيترتب عليه سؤال تانى اللى هو .. بعد ما بروح و بذاكر و اظبط الدنيا و ابدا احل .. ببقى فاهم انا بحل ازاى و لا بعمل اى تجربة كدة و اللى يطلع صح منهم هو اللى تمشي بيه ؟؟
ثانيا .. المدرس ده شغله من كتاب المدرسة و لا لا ؟؟ يعنى بيشرح نفس الكلام الموجود ف كتاب المدرسة و لا بيشرح باسلوب مختلف ؟؟ بيلزمكو بكلام ملزمته و لا بكلام كتاب المدرسة ؟؟
ثالثا .. المدررس ده بيتابعك و فوق دماغك اول باول و لا بيصهين و يسيب اللى يذاكر يذاكر و اللى مايذاكرش يولع ؟؟

بناء على اجابتك للاسئلة دى هتحدد اذا كان المدرس و لا لا .. طبعا انت عارف ايه اجابات الاسئلة دى و ايه اللى هيحدد اذا كان مدرسك دة كويس و لا لا ..
و بناء على كدة خد قرار بسررررعه .. و نفذه على طول

ربنا يوفقك

ممكن بعد ده كله يروح لواحد تانى فيه نفس المشكلة وده االلى انا بفكر فيه حالا وخايف لروح لحد تانى يطلع فيه عيوب زى اللى قبله بردو يبقى كدة مستقدتش حاجة هو المدرس اللى باخد معه فى الشرح جميل جدا جدا انما المسائل حاسس انى تايه قولت ده يمكن قلة تركيز منى لاقيت ناس كتير كدة بردو وكلهم بيفكروا يسيبوا يعنى مثلا حل معانا بالظبط 7 مسائل وادانا بقيت التمرين واجب بتاع حاجة و اربعين اكيد فى افكار هو مقلهاش محتار جدا