أخبار المعلمين المنقطعين بمحافظة كفر الشيخ و المحافظات الأخرى

[محمود لطفى1]

يا جماعة انا والله من المنقطعين واتمنى الخير لى وللجميع لكن بالطريقة دى فيه حاجه غلط احنا مش فاهمين حاجه بس لو كل واحد فينا لحق المصيبة قبل ما تحصل يمكن ربنا يمنعها عنه

الموضوع كالآتى

لو احنا صبرنا لما يتعينوا زمايلنا المنقطعين فى بلطيم مش هنطول حاجة لان قرار الوزير بتعيين 80000 بشرط ان يكونوا قد استوفوا الشروط والاخوة اللى خدوا الكادر طبعا استوفوا الشروط فلما احنا نروح بعد ما يتعينوا ان شاء الله علشان نطالب بالتعيين هيقولوا ان دول كانوا مستوفين لشروط التعيين ودخلوا من ضمن الــ80000 اللى نزلهم الوزير لكن انتوا وقتها لم تكونوا مستوفين لشروط التعيين والكلام كان واضح تعيين كل من استوفى الشروط المشكله من الادارة عندكم والادارة هتقول مهى الاكاديمية مطلبتش أوراقكم احنا نعمل اية ويضيع حقنا بين كل الجهات ومش هنطول حاجة ساعتها واستنوا بقى لما تيجى فرص تعيين تانية وعلى رأى المثل (لا جدوى من البكاء على اللبن المسكوب )
على فكرة حددوا ميعاد سريعا قبل فوات الاوان وكل اللى يعرف حد منقطع يبلغه بالميعاد وننشر الميعاد هنا فى الموضوع والمكان ونتجمع وندور على حقنا وأنا ان شاء الله هأكون أول المتواجدين وكل اللى أعرفهم واللى معايا فى المدرسة هأبلغهم
وسيبكم من كلام احنا كنا فين وبقينا فين محدش بيحسن علينا دا حقنا