"مطلوب انسه للعمل" قصة قصيرة".....

[Monier]

( مطلوب انسه للعمل )
"دائما هى انسه, وكان لم يعد رجال فى البلد"
كان هذا الكلام هو ما يتردد على لسان عاطف فى كل مرة يرى فيها هذه الجملة
عاطف خريج 2008 بكالوريوس هندسة وبتقدير كمان, عمال يلف فى الشوارع ويدور ويسال على اى وظيفه ولو حتى بياع فى فرن
وقف عاطف ع الكورنيش يفتكر ايه اللى وصله لكدا

من كام سنة كدا

"لولولولولولولولولووووووووووووى.. مبروووك ياعاطف النجاح ناوى تخش كلية ايه ؟ "
والد عاطف "ان شاء الله عاطف هيخش هندسه ويطلع باشمهندس اد الدنيا"
عاطف " بس يا بابا........"
" خلاص يا عاطف احنا اتكلمنا فى الموضوع دا قبل كدا, وبعدين انت عاوز تخش ايه .... تجارة وتطلع تعقد ع القهوة ولا تخش ايه بالظبط"
ومرت الايام وعاطف دخل هندسة وعدى ال5 سنين بنجاح وتقدير عالى كمان كان التانى ع الدفعة بس مكانه انه يبقى معيد خده ابن دكتور المادة
عمل تظلم وعمل وعمل وبس لا حياة لمن تنادى
قال عادى مش مشكلة انا جايب تقدير وواخد كورسات ادور على شغل
مهما يدور شكرا مش عاوزين من مكان لمكان وتعدى السنين والايام
والد عاطف "قوم يابنى دورلك على شغلانة بدل مانت قاعد كدا فى البيت زى الولايا"
"حاضــــــــــــــــر يا بابا"
يقوم يغسل وشه ويصله ركعتين ويتوكل على الله اصبحت شهادة التخرج بالنسباله ملهاش اى لازمة وقرر يشتغل اى حاجة لحد ربنا ما يكرمه بالوظيفة اللى يستاهلها
وكل يوم يرجع بيته هلكان تعبان وايد ورا وايد قدام
والايام بتجرى والياس جوا قلبه عمال يزيد
يئس من كل حاجة واتخنق
يفتح النت يدور على شغل "مطلوب سكرتاريه حسنه المظهر, مطلوب انسه متفرغه, مطلوب انسه ....."
يقفل النت وينام
وابوه يصحيه الصبح انزل شوفلك شغل
وكالعادى موال كل يوم
فاق عاطف من خياله وبدا يكمل لف

لحد ما قابل واحد صاحبه قاله " طيب ما جربتش تنزل فى مول .... ممكن تلاقى شغل هناك"
اول ما وصل لهناك
مطلوب انسه للعمل
مطلوب انسه حسنه المظهر
مطلوب انسه للعمل بمرتب مجزئ
مطلوب -------مطلوب --------------
"كفــــــــــــــــــــــــــــــــــــــــــــــــ ــــــايــــــــــــــــــــــــــــــــــــــــــ ـــــــــــــــــــــــــــة"
وكانت الصرخة
وفاق عاطف وابوه بيقول " ان شاء الله عاطف هيخش هندسه ويطلع باشمهندس اد الدنيا "
صرخ عاطف "لاااااااااااااااااااااااااااااااااااااااااااااااا ااا"
واغمى عليه
انتهت
بقلمى
m.s